#009 拆除欄河方法
有時夢遊係街邊見到好多欄河，例如呢張圖咁，覺得好鬼阻掟。
可以點做呢？有巴打提出咗，原來街邊既欄河係靠側邊既螺絲做連接，就係好似呢張圖圈住既位，一般路政署既圖則講明會用3粒M8螺絲作為加固，要拆左佢係極之簡單嫁！
係最外邊既欄河只有單邊既三粒螺絲，巴打之前發夢見有幾個大力士可以直接chok甩佢。而如果最邊邊既欄河比較細，唔就力，可以試下用d長條形既硬物加長佢黎chok甩佢。速度上未必比用士巴拿快 (要視乎人既力度)，但可以係無工具既情況下甩到個欄河 然後再慢慢甩第二第三個。
當然 前提係你要夠力chok，因為最邊既欄河比較短，無野加長既話有機會難整甩d。
首先要先講解下欄河既安裝方法，係到多謝某巴打提供既呢張圖（圖2）先。
一般爛河會先係中間打條企柱落去石屎到，咁要拆左佢太煩，所以就唔講啦。
但係企柱連接住欄河竟然只有三粒M8螺絲，要甩左佢實在太簡單啦。
圖3有大約講解企柱同埋欄河中間既關係。
佢地中間既連接就係一條絲桿加兩粒絲母，或者去一絲螺絲加絲母。
你要準備兩個士巴拿，一枝放係絲母，一枝放係螺絲頭到。
再兩枝向相反方向扭，但要小心扭錯方向，建議先細細力試下岩唔岩方向先。
某巴打表示係螺絲頭到扭逆時針即可，巴打表示咁做可以發出4倍既力量，非常有效。
然後可以用士巴拿輕輕敲下粒螺絲，如果發現到一D比較鬆既螺絲，唔洗猶疑，揀佢黎甩啦。
如果工友發現唔夠力，唔好夾硬黎，會導致工傷。
正確增加扭力既方法係加長手柄以加長力點，利用槓桿原理。
另一個土炮方法就係用另一支士巴拿扑落去。
如果扭完兩粒發現中間有條絲桿，記住要抆左佢。而如果發現好難抆出黎，可以參考以下由巴打提供既方法：因為黑色鐵柱個位同TYPE2欄因失平衡而個窿位對唔準，咁就會夾死條絲杆，攞唔到出黎，咁工人就要扶住個欄，慢慢教岩個位，另一隻手蚊絲杆出黎！
最後，當你甩左其中一個欄河一邊既3粒螺絲，就可以好似咁chok到個爛河甩出黎。
最後提醒大家，破壞公物係唔岩嫁。各位如果想甩欄河，一定唔可以現實做，發夢諗下就當然無問題啦。
再提醒多句，市面上有可調度闊度既士巴拿，非常有用。
建議各位如果有需要可以帶住佢，但係最近市面上有好多鍾意睇人地個袋既人型生物，為免無故俾人當收藏武器，請各位自己小心。
如果真係咁唔小心俾某生物發現，請記得表示你係一個汽車維修員，詳情請參考以下片：