#006 基本消防知識

講到一棟樓入面，成日會聽人講有風火水電四樣野。

佢地分別代表冷氣、消防、食水及污水系統、電氣四樣野。

但係講起呢四樣野，最重要一定係消防系統，因為消防系統係用黎救人命既，所以就算其他三個系統無，消防系統都一定要有。

今次想講既就係消防系統。

消防系統太多野講，咁我主要就係講講關於一D好顯眼既野，同埋佢地既用途。希望各位發夢果陣要小心D，唔好隨便掂到啊。

首先就係最常見既花灑頭 (sprinkler head)。尋日都見到有義士掟左D類似_圖1_既相，其實都係sprinkler head黎，只係我地叫呢種做concealed type sprinkler head。咁點解要做concealed呢？其實無用，純粹美觀少少姐。發夢見到既而又覺得全身好熱既可以拎個火機放係佢下面，點一陣佢就會爆頭，就會有成堆水噴出黎。

然後就係煙霧頭 smoke detector。佢有d咩用呢？其實係當佢感應到附近有煙既話，就會話俾一個一棟樓控制消防既控制箱知：呢個位著火。(題外話 呢個控制箱叫AFA Panel 每棟樓都一定會有) 然後控制箱會傳訊號俾附近既sprinkler head，令佢地爆頭。

咁大家發夢果陣就可以一齊沖下涼啦，當然各位係現場發夢果陣都可以視乎現場環境決定點做啦。Smoke detector 既樣可以見_圖2_ (注: 普通既香煙, 磁石都可以activate左佢 五金鋪亦有噴霧係專門測試煙霧頭既)

再之後提提大家，有時經過商場會見到類似_圖3_咁既物體，其實係我地叫防火卷閘既野 (fire shuhtter)。係當某區域俾smoke detector發現到著火，就用黎隔離某一區域，如果唔小心觸發左smoke detector既話，要留意下附近有無fire shutter。有既話要盡快離開，如果唔係落晒閘就變左得番好少路行，好危險。咁萬一真係咁唔小心，咁可以點做呢？_圖4_係fire shutter正常係側邊會有既掣，真係唔小心落左閘可以打爛佢再禁番個閘上去逃走啦。