❤️🌎

البارت التاني. ❤️🌎

- مصطفي : لا ي انسه اصل انتي بقالك نص ساعه في العربيه ف فكرتك نمتي قولت اجي اصحيكي...

- فرح : تصدق محستش بالوقت ...

- مصطفي : ممكن اسالك سؤال ي انسه!؟ 

- فرح : اتفضل !!!

- مصطفي : انتي بتعيطي ليه ؟؟ 

- فرح : بعيط ع اللي راح .🤷🏻‍♀️

- مصطفى: يعني ايه مش فاهم ؟

- فرح : والله احسن حاجه انك متفهمش..انا بحسدك....عم

وما انا هنزل اهو عشان تركن العربيه 

- مصطفي : تماام

( نزلت من العربيه وماشيه ناحيه الكليه ..وبمسح دموعي..

دخلت الكليه ...لقيت حد بينادي علياا ..بس مرضتش ابص ...بس الصوت مش راضي يسكت ..فقررت اني اشوف مين اللي بينادي 

لقيت ولد اول مره اشوفه ...

مين حضرتك ..! و بتنادي كده ليه ! وتعرف اسمي منين !وعايز ايه

- الولد: اهدي ! بس انا( عمر الخولي)

- فرح : ايوا مين يعني!

- عمر : انا زميلك ف الكليه

- فرح : تشرفنا

(وسيبته و مشيت لقيته جه وقف قدامي تااني)

- عمر : استني بس عايز اقولك ع حاجه 

- فرح : خليها لنفسك ..

- عمر : لا بجد حاجه مهمه ..

- فرح : قول وخلصني ..

- عمر : دول المحضرات بتوع الاسبوع اللي فاات انتي كنتي غايبه ومجتيش ..فانا كتبتهملك 

- فرح : افندم!

- عمر : اه مش انتي مش بتجي من يوم الاحد اللي فات صح،

- فرح : وانت حضرتك بسلامتك عرفت منين ..إبهرني ..

 - عمر : مهو..مهو...اصل الموضوع

- فرح : طب بص لما تعرف تقول جمله مفيده الاول ابقي اتكلم مع الناس ...واول واخر مره تنادي عليا ولا تتكلم معاايا..انت فاهم..

- عمر : طب مش هتخدي المحاضرات..

- فرح : يارب صبرني 

- عمر : طب خلاص ..اشوفك بعدين..سلام

 (مردتش عليه وسبته ومشيت...بس مش فاهمه هو ازاي عرف ان انا بقالي اسبوع مجتش الكليه..بس عموما ماهتمتش...بس انا فعلا بقالي اسبوع مرحتش الكليه ..ده لاني مش عايزه اشوف اي مخلوق ..بقي عندي عقده من البشر )

 دخلت وحضرت المحاضرات بتاعتي..وخلصت وفضلت الف شويه بالعربيه ..عشان مش عايزه اروح..متعمده اروح متأخر عشان المعاد اللي ف البيت...

 وانا بلف بالعربيه قعدت افكر ازاي حد يكون محتاج حد و ميلقهوش جمبه! ازاي انسان حياته كانت هتقف عشان خاطر انسان تاني مش مهتم..ازاي ممكن انسان يكره نفسه و يبقي وحيد وكئيب لمجرد ان الناس اللي بيحبهم ومتعود عليهم مبقوش موجودين في حياته!!! 

ازاي انا قدرت اوصل للحاله اللي انا فيهاا دي ...واتحول من انسانه محبه للحياه وبتوزع كل يوم امل و طاقه ايجابيه ع اللي حواليها..ومبتسمه دايماا...لانسانه وحيده كئيبة بتكره الناس و الحياه..بقيت بقعد في اوضتي بالساعاات مش عايزه اخرج اللي جالي مش هو السبب ف اللي انا فيه بالعكس ..السبب هي الناس..والصحاب والناس اللي بنحبهم بشكل أو بأخر.̧ مش عايزه اكلم حد لحد ماتحول الموضوع ده لعاده ..و العاده دي اتحولت لمهااره بتقنهااا و ببراعه رهيبه..

 ( طلعت من السرحان اللي انا فيه ده علي صوت التليفون بيرن..وطبعاا كانت ماما)

- ماما : انتي اتاخرتي كده ليه ي استاذه فرح 

- فرح : والله حضرتك ي ماما عارفه ..رايي ايه ف الموضوع من الاول

- ماما : فرح طب متصغرنيش مع الناس ..عشان خاطري تعالي اقعدي بس معااهم شويه وان شاء الله تكون اخر مره..بس مينفعش كده اخوكي سليم و ابوكي قاعدين مع الناس..عشان خاطر ماما تعالي

- فرح : طب ي ماما..حاضر..جاايه اهو 

- ماما : حبيبت ماما

- فرح : سلام بقا خلاص.

طبعا روحت البيت زي م ماما قالتلى...عشان مصغرهااش قدام الضيوف..او بمعني اصح (العريس)

كان فيه للشقه بابين دخلت من الباب التاني عشاان محدش يشوفني....

اول مادخلت ماما فضلت تقولي يلا بسرعه روحي غيري هدومك عشان تقعدي مع الناس..(رغم اني شايفه شكلي كداا عاادي يعني..)

وفعلا عملت كده ...اول م دخلت الصالون..قولت ف نفسي (نفس الموقف تااني )🤦

كنت معرفهومش... سلمت عليهم و مرة واحده وانا بسلم ..كان ف واحد قااعد معاهم..حاسه اني شوفته قبل كده..ف قولت

ف سري..(ده عمر الخولي )اللي قابلته الصبح ف الكليه.

- فرح : انت ايه اللي جابك هناا؟..وعرفت البيت بتااعي ازاي!!؟.

- عمر :انا بصراحه جااي عشان اتقدملك..

- فرح :و انت تعرفني منين أصلا عشان تيجي تتقدملي..

(ولقيت نفسي بسأله اسئله ملهاش اي معني )

( لحد م لقيت ماما بتقولي خلاص اهدي ي فرح ف ايه..!!!)

بدأت اعيط لاني افتكرت نفس الموقف القديم واللي بحاول بقالي سنين انساه..فصعب عليا اني الاقيه مره واحده بيتكرر تااني قداامي..فسبتهم و دخلت اوضتي...

بعدهاا بشويه سمعت صوتهم و هماا بيستأذنم عشاان مااشيين..

لقيت باب اوضتي بيخبط..(فرح ممكن ادخل ) اتفضلي..!

- ماما: ايه اللي حصل بره ده ي فرح؟!

انا:(ببرود اعصااب)..والله انتي مستغربه اللي حصل !

ماما:اه طبعاا..امال ايه!

-فرح : (بعصبيه و دمووع ) لا والله ي ماما اللي حصل ده حاجه طبيعيه جداا..وانتي اكيد كنتي متوقعه حاجه زي دي..امال لو

مكنتيش عيشا معايا لحظه ب لحظه..وعارفه انا عنيت قد ايه ..بعد كل ده .عايزاني اكرر التجربه دي تااني..اسفه مش هااجي

ع نفسي بعد كده عشان حد..كفايه اللي مريت بيه بقالي سنتين..ولسه بعااني منه لحد دلوقت..ارحميني وسبيني اعيش

حيااتي واللي جاي منهاا بطريقه ترضيني..

-ماما : بس الطريقه دي غلط!

- فرح :بس ها اعيش منهاا برااحه بال..ومع نااس نضيفه واصحاب مش غداره..وناس بتحبني بجد

- ماما :انتي مفيش فيكي فايده..بس يكون ف معلومك..انا إديت كلمه للناس ومش هرجع فيهااا

( لقيت نفسي جالي انهيار ..وعماله اكسر واهبد و اوقع كل حااجه حواليا..لحد محستش بنفسي...ااغمي علياا

صحيت لقيت نفسي ف المستشفي...وأخواتي وبابا ومااما ..و ده طبيعي.. الغريبه اني الاقي عمر كمااان ...

لقيته قالي

- عمر: حمد لله ..ع السلامة ي فرح.. كنت قلقان عليكي

- فرح : (باستغرااب)..االله يسلمك..

(لقيت ماما واقفه مش بتتكلم ) ...محولتش اني اكلمهاا لان هي السبب ف اللي اناا فيه

- بابا : ممكن تسبوني اناا وفرح لوحدناا شوويه

(فكلهم خرجواا م الاوضه)

- بابا : اناا مقدرش الومك ع اللي انتي فيه..بس برضوو احب اقولك ان الحياه مش بتقف عند حد..و صوابعك مش زي

بعض ...ع الاقل اديله فرصه انه يعوضك ع اللي فاات..

- فرح : لا..ده مجرد كلام..الحياه بتقف..بتقف عند نااس كاانوا بالنسبالنا كل حااجه..بتقف عند نااس كناا مفكرينهم..اصحابناا

وأخواتنا ..بتقف عند نااس كانوا بالنسبالنا الحيااه والهوا..وبعدين ادي فرصه لمين..ويعوضني عن ايه..عن صحابي اللي قالواانا ومن بعدي الطووفان..هيعوضني عن شخص كنت مفكراه ....

- بابا : اه كملي سكتي ليه ! اكملك اناا..هيعوضك عن شخص كنت مفكرااه حبيبك..مش ده اللي انتي عاايزه تقوليه..صح..

- فرح : انا مكنتش عاايزه اقوول كده..

بابا : لا كنتي عايزه تقولي كده ..

انا : لو سمحت ي بابا مش عاايزه افتكر الموضوع ده ..

- بابا : (بعصبيه)ده اذا اصلا كنتي نسيتيه.. واسمعي لعلمك..المره اللي فااتت انا سيبتك تختاري ع مزاجك..المره دي ع

مزاجي .. واللي عندك اعمليه...

- بابا : خرج م الاوضه..و فضلت لووحدي بعيط..عيااط هستيري...بعد ما بابا خرج بشويه لقيت ( عمر ) دخل ..وجااب

كرسي ..وقعد جمب السرير بتااعي

- عمر : هو انتي ليه مش رااضيه تديني فرصه..انا بالنسبالك وحش في ايه..انتي مشوفتيش مني حاجه تخليكي تحكمي عليا

اني وحش او حلو ليه قافله البااب ف وشي..

ردي علياا لو سمحتي..يمكن تغيريني و يمكن انا اغيرك..

- اناا : لا شكراا انا راضيه عن نفسي كده ومش عاايزه اتغير..و حتي لو حبيت اني اتغير.. انا اللي هقوم بالخطوه دي ... وفر خدامتك بنفسك

- عمر : ( بعصبيه ) ..انتي بتعملي كده ليه..! ده جزات الناس اللي بيحبوكي..ده رد الجميل للي عايز يقف جمبك ..و يرجع الضحكه ع وشك من تااني

- فرح : اولا : متتعصبش عليااا لاني مش مجبره اسمعك..

ثانيا : انا مفيش حد بيحبني .. ومش عايزه اضحك انا حره..

( لقيته قاام مره وااحده و ساابني و مشي..بصراحه حسيت بتأنيب الضمير ع الاسلوب اللي كلمته بيه..بس ارجع و اقول انا

مش عايزه حد ف حيااتي.. يعني مااشيه صح..

تااني يووم خرجت من المستشفي..وكاان معايا اخوياا الكبير (سليم ) ..لسه هنركب العربيه..قولت لبابا ان انا مخنووقه روحواا انتم..وانا هااجي وراكم..لقيت سليم بيقول بابا روح حضرتك انت و ماما ..و هتمشي انا وفرح شويه وهنروح ع

طوول..بابا وافق..

( روحت انا وسليم نتمشي شوويه..و مسك ايدي وحطهاا ف دراعه )

- سليم : فااكره ي فرح وانتي صغيره..كنتي هااديه وبريئه ازاي ...̯

- فرح : اه طبعاا فااكره...ده انا كنت نسمه متحركه..

- سليم : طب فاكره لما حد كان بيضايقك من الولاد واحناا ف المدرسه..كنت ازاي بمسكه واضربه..لاني طوول عمري مش

بستحمل زعلك..ولا هستحمله ف يوم من الايام

- فرح : اكيد فاكره..بس ليه بتفتكر الحاجات دي ..دلوقت !!

- سليم : انا بس عايز اقولك زي محدش يقدر يقربلك واحنا صغيرين.. محدش عمره هيزعلك واحنا كباار..

- فرح : انا كنت عايزه اقولك حااجه كداا بس متردده..

-سليم : لا طبعااا قولي اللي انتي عايزه

- فرح : اناا حااسه اني غلطت ف حااجه.

( وحكيتله ع الموقف اللي حصل بيني و بين عمر ف المستشفي )...و حااسه كماان ي

سليم...اني كلمتو باسلوب اوفر زياده عن اللزوم ..ايه رأيك..!؟

- سليم : بصي ي فرح..مادام انتي حكيتيلي حاجه زي دي...يبقي انتي حااسه انك غلطتي..وانا بقولك ماادم غلطتي..صلحي غلطك بااي طريقه ايا كاانت..وانا عاارف ان اختي صاافيه وقلبهاا نضيف...♥️

-

( خلص الحواار م بينااا ع كداا..و روحنا اناا وسليم..كنت تعباانه جداا وكنت عاايزه اناام ..كاانت الساعه داخله ع ١٠ كدااا...بس افتكرت كلام سليم اني لازم اصلح غلطي...قومت وروحت لسليم الاوضه وخبطت عليه...)

- فرح : ممكن ادخل ي سليم...

- سليم : اه طبعاا ي فروحه ادخلي

اناا : ممكن اطلب منك رقم....

سليم : رقم عمر صح...!!!

- فرح : اه فعلا بس انت عرفت منين ! 👀

- سليم : عشان عارفة إن اختي مش بتحب تزعل حد...اتفضلي الرقم اهوووو

( اخدت الرقم وطلعت...وانا مكسوفه جداا من سليم..بس مكنتش عايزه الرقم الا عشاان اوضح لعمر الموقف مش

اكتر...دخلت الاوضه وقفلت الباب ..اتصلت بالرقم اول مره مردش...قولت خلاص مش هتصل تااني ...بس لقيت نفسي برن

كماان مره...و فجأه ...عمر رد...رحت قفلت السكه ف وشه بسرعه...وبدون اي مقدماات...ولقيت قلبي بيدق بسرعه قولت ايه

اللي اناا بعملو دااا..انا مش هعتذر لحد..اللي عايز يزعل يزعل...بعدين لقيت رقمه بيرن...اول مره مردتش ..لقيت نفسي برد

مع اول جرس ف المره التاانيه....)

- فرح : الووو..

- عمر : الو مين معايا...

- فرح : انت اللي متصل

عمر : لا حضرتك المتصلة..

فرح : اه بصراحه انا اللي متصله ..ع العموم انا فرح الشاذلي.

عمر : (بفرحه ) ..بجد..!!!

اناا : ......

كتابه الكاتبه: Mariam Elhagary 🤍📝