* * *
И.П.М.С.Թանգագին Նիկանդր Անդրեևիչ,
ստացա քո նամակը և անմիջապես հասկացա, որ քո կողմից է: Սկզբից մտածեցի, որ քո կողմից չէ, բայց երբ որ կնիքը պոկեցի, անմիջապես հասկացա, որ քո կողմից է, թե չէ մտածեցի, որ քո կողմից չէ: Ես ուրախ եմ, որ դու վաղուց ամուսնացել ես, որովհետև երբ մարդը ամուսնանում է նրա հետ, ում հետ ուզում է ամուսնանալ, դա նշանակում է, որ նա հասել է նրան, ինչին ուզում էր: Եվ ես հիմա շատ ուրախ եմ, որ դու ամուսնացել ես, որովհետև երբ մարդը ամուսնանում է նրա հետ, ում հետ ուզում էր, դա նշանակում է, որ նա հասել է նրան, ինչին ուզում էր: Երեկ ես ստացել եմ քո նամակը, և անմիջապես մտածեցի, որ, կարծես թե, քո կողմից չէ, բայց կնիքը պոկեցի և տեսնում եմ՝ հաստատ քո կողմից է: Շատ լավ ես արել, որ գրել ես ինձ: Սկիզբից չէիր գրում, իսկ հետո հանկարծակի գրեցիր, թեպետ դրանից էլ շուտ, քո չգրելուց առաջ՝ գրում էիր: Ես անմիջապես, երբ ստացա քո նամակը, անմիջապես հասկացա, որ քո կողմից է, և այդ պաճառով ես շատ ուրախ եմ, որ դու արդեն ամուսնացել ես: Եթե մարդն ուզեց ամուսնանալ, ապա ամեն ինչ պիտի անի, որ ամուսնանա: Այդ պաճառով ես շատ ուրախ եմ, որ դու վերջապես ամուսնացել ես նրա հետ, ում հետ ուզում էիր ամուսնանալ: Եվ շատ լավ ես արել, որ գրել ես ինձ: Ես շատ ուրախացել էի, որ տեսա քո նամակը և նույնիսկ անմիջապես մտածեցի, որ քո կողմից է: Թեև, երբ որ կնիքը պոկում էի, մտքովս անցավ, որ քո կողմից չէ, բայց դրանից հետո, այնուամենայնիվ, ես որոշեցի, որ նա քո կողմից է: Ապրես, որ գրել ես: Շնորհակալություն եմ հայտնում և շատ ուրախ եմ քեզ համար: Դու, երևի թե, չես կռահում, ինչու եմ ես այդքան որախ քո համար, բայց ես քեզ մի անգամից կասեմ, որ ուրախ եմ քո համար այդ պատճառով, որ դու ամուսնացել ես հենց նրա հետ, ում հետ ուզում էիր ամուսնանալ: Իսկ դա, դու գիտես, շատ լավ է՝ ամուսնանալ նրա հետ, ում հետ ուզում ես ամուսնանալ, որովհետև հատկապես այդ պահին ես դու հասնում նրան, ինչին ուզում էիր: Ահա այդ պատճառով ես այդքան ուրախ եմ քեզ համար: Դրանից էլ բացի, ուրախ եմ, որ դու ինձ նամակ ես գրել: Ես դեռ հեռվից որոշեցի, որ նամակը քո կողմից է, բայց երբ վերցրեցի այն, մտածեցի. ի՞նչ կլինի, եթե այն քո կողմից չէ։ Իսկ հետո մտածում եմ. ոչ, իհարկե քո կողմից է։ Ինքս կնիքը պոկում և միաժամանակ մտածում եմ. քո կողմից է, թե՞ ոչ: Դե, հենց կնիքը պոկեցի, տեսա՝ քո կողմից է: Շատ եմ ուրախացել և որոշել եմ ես էլ քեզ նամակ գրել: Շատ բան ունեմ ասելու, բայց իրոք ժամանակ չունեմ: Գրեցի այն, որը հասցրեցի, իսկ մնացածը հետո կգրեմ, թե չէ հիմա ընդհանրապես ժամանակ չունեմ: Առնվազն, լավ է, որ դու ինձ նամակ ես գրել: Այժմ ես գիտեմ, որ դու վաղուց ես ամուսնացել: Անցած նամակներից էլ գիտեի, որ ամուսնացել ես, իսկ հիմա տեսնում եմ՝ բացարձակապես ճիշտ է, դու ամուսնացել ես: Եվ ես շատ ուրախ եմ, որ դու ամուսնացել և ինձ նամակ ես գրել: Անմիջապես, հենց տեսա քո նամակը, այդպես էլ որոշեցի, որ նորից ամուսնացել ես: Դե լավ է, որ դու նորից ամուսնացել և ինձ նամակ ես գրել դրա մասին: Հիմա էլ գրիր, թե ով է քո նոր կինը և ինչպես է պատահել այդ ամենը: Քո նոր կնոջ բարևիր:
<Սեպտեմբերի և հոկտեմբերի 25, 1933>