⏺辯方法律代表 #阮偉明大律師 盤問PW2

辯：你話被告打咗招警長(下稱PW1)一拳之後呢，被告係企返喺度定轉身走啊？

PW2：轉身走

辯：PW1又做咩呢當時？

PW2：捉住被告

辯：咁被告係能唔能夠走到，比如一步、兩步先比PW1捉住，定係點樣嘅境況？

PW2：捉住咗，走唔到

辯：被告有冇成功走到一步、兩步，定係根本一步都走唔到？

PW2：腳部係有郁動嘅，但係冇話好明顯咁走開咗

辯：咁如果根據你嘅描述，即係PW1從後捉住被告啦，係咪咁樣？

PW2：確實前後左右我就冇留意得咁清楚

辯：咁你有冇見到被告轉身？

PW2：有

辯：咁佢喺轉身之後，PW1就捉住佢啦，係咪咁樣？

PW2：可以咁講

辯：從後捉住被告啦，啱嗎？

PW2：唔確實係正後面定側面

辯：你嗰陣時係三米，對住佢地？

PW2：啱

辯：咁你實際上見到乜嘢？

PW2：實際上見到PW1比被告打咗一拳，之後PW1就捉住被告，其後我同其他隊員就上前協助制服

辯：你係見到被告係有轉身，係咪？

PW2：冇錯

辯：跟住你見到PW1係咪從後捉住佢？你見唔見到？

PW2：見到PW1捉住佢，但唔確實係咪正後方

辯：你意思即係可能被告轉身期間就捉住佢？

PW2：有機會

辯：即係你唔確定？

PW2：可以咁講

辯：咁喺PW1捉住佢之後你先至埋去協助嘅，啱唔啱？

PW2：係，冇錯

辯：隨即其他嘅隊員都埋嚟協助啦？

PW2：係冇錯

辯：之後發生嘅呢，就係被告想逃走，係咪咁樣？你見到嘅

PW2：係

辯：但係佢當時已經有幾個同事圍住佢㗎啦喎，啱唔啱啊？

PW2：係

辯：咁佢又點樣可以逃走呢？

PW2：佢用力反抗我地

辯：不過最後都係比人推咗埋去Apple Shop出面，啱唔啱啊？

PW2：係

辯：換句話講，喺未埋到Apple Shop之前，你啲同事同佢就已經跌咗落地啦，啱唔啱啊？

PW2：係，喺附近

辯：係扶返佢起返身先落手銬，定係喺地下就落手銬？

PW2：呢度我睇唔到

辯：你都冇聽到PW1講一啲類似咁嘅說話，「而家拉你襲警，唔好郁」？

PW2：冇聽到

辯：亦都冇聽到PW1講「唔好再反抗啦，如果唔係我拉你拒捕」，呢啲說話你都冇聽到啦，係咪？

PW2：我留意唔到

辯：亦都聽唔到PW1話類似「而家拉你襲警、拒捕」，呢啲說話都聽唔到？

PW2：係，留意唔到