辯方法律代表 #許卓倫大律師 盤問PW1
辯：警員，有啲嘢向你澄清嘅，明白嗎？而家睇到嗰個畫面，當然係時代廣場嘅情況啦？
PW1：係啦
辯：作為紀錄，係停留咗係P44嘅，你接納先，好冇？
PW1：好
辯：你亦都講及到截停被告人喺個凹位到嘅。
PW1：係
辯：當你第一眼見到被告人嘅時候，佢已經係嘅凹位裡面，啱唔啱？
PW1：你指嘅係當晚？
辯：係
PW1：呃走入去個凹位...
辯：你為咗呢個案件，回咗一份口供紙，20年嘅七月三號回嘅，你接納先，好冇？
PW1：好
辯：為咗呢個案件，你亦都有一個記事冊嘅紀錄嘅，日期係七月一號嘅。
PW1：係，冇錯
辯：喺你嘅文字記錄上，即係包括記事冊同埋口供紙，都沒有記載過被告人除背囊嘅，或者鬆脫、或者放下背囊嘅，啱唔啱？
官：其實佢作供都冇咁講過㗎，只不過係主控官播嗰啲片叫佢一格一格咁描述姐。
辯：你第一眼見到被告之時，被告係咪已經身處喺凹位入面？
PW1：係
辯：而喺你觀察到被告嘅第一眼，被告呢就左、右手都係舉起，佢嘅手掌向著你個方向，啱唔啱？
PW1：啱
辯：以你所記錄呢，凹位入面還有其他人士嘅，啱啦係咪？
PW1：係
辯：除咗被告人之外，還有三男三女，啱唔啱？
PW1：啱
辯：三男三女並非警員嚟嘅，啱唔啱？
PW1：啱
辯：亦都唔係著黃色背心嘅，啱唔啱？
PW1：啱
辯：我而家嘅問題係順著你主問嘅情況講嘅。主問你話同被告講過因為懷疑非法集結，所以要進行搜身，你記得？
PW1：記得
辯：向你指出，你冇咁同被告人講過嘅，你同唔同意？
PW1：唔同意
辯：今朝早亦都聽你講過，喺凹位嗰度，你見到被告人向著你，佢係第三名人士嚟嘅，你今朝咁講，記唔記得？
PW1：記得
辯：當你講第三名，係從左至右...
官：如果my memory serves me right，佢好似係話由左邊數上嚟第三個。
辯：咁由左手邊數上嚟第一同第二個人，是男是女，你記唔記得啊？
PW1：可唔可以畀少少時間我諗一諗？
官：你唔記得可以講唔記得㗎，唔好作個答案出嚟。
PW1：有兩個人，我唔記得男定女
辯：咁喺右手邊，四至七號人士，你都唔記得是男或是女，啱唔啱？
PW1：唔記得
辯：咁呢一些嘅人士，有冇拎住任何東西，包括攜帶物品啊即係，膠袋、背囊啊，你記唔記得？
PW1：有一樣嘢我好記得嘅，呢個被告人身邊嗰個人呢，佢係拎住個袋嘅。所以我下意識呢，如果憑被告嘅神情表現、衣著外貌，再加上我自己嘅經驗，所以我留意到身邊嗰個人係有個袋，我就思疑擺咗喺地下呢個袋係屬於被告人嘅
辯：嗰度有七名人士啦，由左邊數起被告排第三啊嘛你話？
PW1：係
辯：我嘅問題係，一號、二號、四至七號(人士)，有冇攜帶任何物品？
官：佢頭先咪話被告隔離嗰個人有個袋囉？
辯：係，除此之外呢？其他嘅人係有冇攜帶袋啊、背囊啊？有定冇？
PW1：我記得左手邊數起應該係第七個男子，有個袋嘅，其他唔記得
辯：你今日作供呢就話被告人嘅右手邊有個背囊，今朝咁講。
PW1：係
辯：你係咪嚟作供，今天，上證人台之前，即係包括今朝早、琴日、上個禮拜或者之前，睇過任何錄影片段啊？
PW1：錄影片段包括？
辯：CCTB 、網上資料、YouTube嗰啲，有冇睇過？
PW1：如果係拘捕過程嘅話，我冇睇過
辯：因為我想專注你話被告人右手邊有個袋，有冇其他人士同你講過話喺被告人嘅右手邊有個袋？
PW1：冇
辯：關於呢個袋，即係證物P7，喺被告人嘅右手邊、左手邊、前面、後面，呢個位置是否重要啊？
PW1：即係相對右手邊嘅其他位置？對於我嚟講，我陳述緊事實嘅全部，咩位置對於我嚟講唔重要。最緊要嘅係我見到個袋喺佢右手邊
辯：所以，如果你確定係右手邊的話，你必然會記錄喺你嘅口供紙上啦？啱唔啱？
PW1：啱
辯：亦都必然會記錄喺你當天晚上即刻撰寫嘅記事冊內啦？
PW1：同意
辯：但你又同唔同意你嘅記事冊及口供紙沒有紀錄右手邊或者右方、右邊，冇咁嘅形容，冇個右字㗎？
PW1：er我唔係好記得個形容
辯：我讀出嚟。你就咁敘述嘅：「當時我見AP1坐位置旁邊有一個灰色背囊」。AP1即係本案嘅被告人，啱唔啱？
PW1：啱
辯：你喺口供紙係咁記載嘅，啱唔啱？
PW1：啱
辯：你記事冊都係同樣咁記載嘅，啱唔啱？
PW1：相信係
辯：所以其實你嘅記憶或關於喺被告人嘅...嗰個袋嘅右手邊(意指背囊在被告右邊一描述)，你係從何得知或者點記得㗎？
PW1：從我嘅記憶
辯：有冇任何理由，你將呢個方向喺口供紙同埋記事冊記錄下來啊？
PW1：er文字上嘅表達唔係事實嘅全部，雖然唔夠全面但係並不代表我有記錯到
辯：有冇其他嘅解釋？
PW1：暫時冇
辯：所以，向你提議姐。關於呢個背囊的位置，會唔會你睇過啲片或者其他同事同你講嘅？
PW1：唔係嘅
辯：當然，頭先我向你指出過呢，你同被告人冇講過因為非法集結所以搜袋嘅；亦都向你指出，你冇向被告人解釋搜身同埋搜任何物件，包括個袋嘅理由嘅，你冇嘅。
PW1：唔同意
辯：咁跟住呢就，係去到嗰個範疇。當你問及被告人「呢個袋係咪你㗎」嗰陣被告人冇回應你嗰個環節嘅，明唔明白？
PW1：明白
辯：首先去到凹位嗰度呢，我想你指出一啲東西。去到凹位嗰度呢，你係指示凹位入面嘅人士踎喺地下，同唔同意？
PW1：唔同意，我當時係叫佢地出嚟
辯：跟住你呢，過咗一陣，就向被告人講囉呢個而家涉案呢個背囊俾你嘅，同唔同意？
PW1：唔同意
辯：跟住被告人呢，並非冇回答，而係同你有對話嘅。
PW1：唔同意
辯：亦都對你公平起見，你今朝有敘述過被告人話「唔講喇」，但被告人冇講過「唔講喇」，同唔同意？
PW1：唔同意
辯：反而被告人有同你講「個背囊唔係我㗎」，同唔同意？
PW1：唔同意
辯：下一個環節，都係關於搜身嘅。個環節係關於嗰個Samsung手提電話嘅環節。...我稱呼佢做牆紙(電話背景)先啦，你會同意你有檢查過呢個手提電話啦？
PW1：係
辯：你檢查完之後就同被告人講話，呢個牆紙相中人件衫就同背囊搵到嗰件衫一樣，或者同一件衫咁嘅敘述嘅，啱唔啱？
PW1：唔同意
辯：咁跟住呢，你就同被告人講「仲唔係你」或者「仲唔係你嘅」類似咁嘅說話，同唔同意？
PW1：唔同意
辯：跟住你又同被告人講，入面夾雜咗粗口喺度，「當我戅鳩？」你同被告人咁講。
PW1：唔同意
辯：咁但係被告人就話該件衫唔係自己嘅。
PW1：唔同意
辯：跟住你又同被告人講咗幾次或者多次「你當我戅鳩㗎」，同唔同意？
PW1：唔同意
辯：你甚至繼續同被告人講「你得閒搵我啦」之類嘅說話，同唔同意？
PW1：唔同意
辯：被告人回應你「好呀，可以點搵你？」，同唔同意？
PW1：唔同意
辯：跟住你就同被告人講「喺荔枝角見啦」，同唔同意？
PW1：唔同意
辯：我明白你唔同意剛才嘅對話嘅，但我繼續向你指出姐。係有完呢啲對話之後呢，你就交咗被告人比其他警員看管嘅。
控：呢度兩個問題嚟
辯：（重新發問）警員喺時代廣場凹位附近呢，最終你係交咗被告人俾其他警員看管㗎嘛？
PW1：係，連埋啲證物
辯：你交被告人俾其他警員之前，就發生剛才的對話啦，係咪？
PW1：唔同意
辯：你今朝早講過呢就係話，喺背囊最大嗰格搵到警方雪糕筒嗰張反光紙嘅，你記得嗎？
PW1：係啊
辯：嗰張反光紙(P16)，如果你想睇，可以俾返你睇嘅，知唔知道？
PW1：知道，唔使
辯：關於P16，你不知P16的由來嘅，喺邊度嚟，你唔知道嘅，係咪？
PW1：同意
辯：下一點向你指出嘅，關於今朝你講，有兩條鎖匙喺背囊嘅第二格搵到，亦都有一條鎖匙喺第一格到搵到，記唔記得？
PW1：記得
辯：當然，如果係被告人嘅褲袋、衫袋搵到，你會紀錄成喺被告人嘅身上搵到，同唔同意？
PW1：同意
辯：你有冇任何時候同你嘅同事講過話喺被告人身上搵到鎖匙啊？
PW1：冇
辯：但我會向你指出，本案嘅P27係喺被告人嘅褲袋到搵到㗎喎。請你睇返相片冊book two of four嘅第22號相片，相片左手邊嗰條、即係長啲嗰條。
官：佢話呢條鎖匙係喺被告人嘅褲袋到搵到。
PW1：唔同意
辯：你今日亦都講及喺被告人身上搵到個綠色打火機，你同意啊？
PW1：同意
辯：喺綠色風褸左邊嗰度搵到個綠色打火機，綠色打火機即係本案嘅P24。當日你都係搵到一包香煙喺同一個褸袋到嘅，同唔同意？
PW1：唔同意
辯：或是你唔肯定？
PW1：唔同意
辯：你有冇小小猶豫？關於包香煙。
PW1：冇猶豫
辯：咁我想問姐，請你睇返相片冊嘅第23同埋24號相，相片冊book two of four，見到未？
PW1：見到
辯：呢個鐵牌你嘅記載，我睇返你口供紙，就話係「於AP1身穿黑色長褲袋」搜出嘅，啱唔啱？
PW1：啱
辯：咁關於喺呢個搜身過程，搜到嘅什麼、擺喺被告人身上嘅邊個位置，你有冇同其他同事講過？
PW1：有
辯：咁包括呢個鐵牌，亦都有同其他同事講過嘅？
PW1：係，有嘅
辯：咁關於邊度搜到鎖匙，有冇同其他同事講過？
PW1：有嘅
辯：包括11490，係咪？
PW1：係
辯：包括8749，啱唔啱？
PW1：8749應該係物件交收
辯：有冇同8749講過呢？
PW1：我冇
辯：我向你指出，頭先嗰個嘅鐵牌(P23)，其實係喺被告人身穿嘅風褸袋到搵到嘅。
PW1：唔同意
辯：你話被告人有部黑色電話，即係本案三星嗰個(P25)，book two of four，廿七號相。以你嘅記載，都係喺「於AP1身穿黑色長褲袋搜出」，啱唔啱？
PW1：啱
辯：係左邊定右邊，你記唔記得？
PW1：唔記得
辯：關於搜到呢個黑色電話嘅位置，你亦都有同其他同事敘述過㗎，係咪啊？
PW1：有
辯：就係11490？
PW1：係
辯：8749呢？
PW1：我冇
辯：你同被告人搜身同埋搜袋嘅時候，11490在場嗎？
PW1：搜嘅過程我唔肯定佢係咪現場，交收嘅時候佢一定喺...
辯：當然啦。
PW1：所以，我唔肯定
辯：我想問，你同被告人搜身先，定搜袋先？
PW1：搜袋先
辯：幾點呢當時？
PW1：預計我21分鐘開始掃蕩，2-3分鐘截停。換句話講係23-24分左右。如果開始搜嘅話係下晝7點28分
辯：晚上7點28分先搜佢袋，啱唔啱？
PW1：中
辯：搜完袋之後就緊接搜個身，啱唔啱？
PW1：啱
辯：幾點開始搜身？
PW1：大約1分鐘開始左右，即係大約29分
辯：你係幾點交被告人同埋所有證物俾11490啊？
PW1：8點15分
辯：咁講，喺8點15分之前，你冇將無論喺身上面或者袋入面搜出嚟嘅嘢紀錄低嘅，啱唔啱？
PW1：係啊，冇時間
辯：向你指出，當日你冇同被告人講過話拘捕被告人關於非法集結同埋藏有攻擊性武器嘅，同唔同意？
PW1：唔同意
辯：當你交嗰啲嘅證物俾11490，喺8點15分嗰陣時，冇將任何證物擺喺一啲嘅證物袋到，啱唔啱？
PW1：啱
辯：譬如你喺背囊搵到玉泉嗰個樽，拎出嚟跟住又放返落個背囊到俾11490嘅，啱唔啱？
PW1：啱
辯：你當日同被告人搜身冇講過被告人張八達通卡嘅。
PW1：佢咁樣搜嘅時候係冇呢張卡嘅
辯：關於時代廣場嗰個凹位，今朝講過個凹位係防火出口通道嚟嘅。
PW1：係
辯：你自己係冇推過或者拉過防火出口嗰度門嘅？
PW1：有
辯：嗰陣時係點？
PW1：我叫佢地出嚟坐低，我隨即測試嗰到門開唔開到
辯：呢個動作，你有冇喺你嘅口供紙或者記事冊記載啊？
PW1：冇
辯：被告人有冇協助你從背囊嗰度拎啲嘢出嚟？
PW1：冇
(PW1作供期間偶有思考如何回答問題，謝沈智慧法官多次尋詢問證人「明唔明白條問題啊？」，似乎非常擔心證人之智力是否足以應付盤問。)