#西九龍裁判法院第四庭 #1031旺角
#西九龍裁判法院第四庭
#1031旺角
#施祖堯裁判官
#審訊
Day 2 13/01/2021 下午
詳細盤問內容
辯方盤問PW2 WPC 18745 (案發當晚為特別應變部隊 QRF 第二隊成員)
辯:你一共錄過2份口供 ,第一份係喺2020年4月7日 1200 旺角警署錄嘅,一共有2頁 , 每頁底部你都有簽名。你有睇過成篇口供,並且確定內容正確完整先簽名?
PW2 : 係
辯:第二份係喺2020年10月29日 1735 旺角警署錄嘅,文字記錄一共有2頁 , 每頁底部你都有簽名(WPC 18745)。每一頁紙最底都有句,指出你可以根據口供內容作出修改,你亦都知道可以咁樣做?
PW2 : 知
辯:20191031 案發晚上,你當時喺旺角執行特別應變部隊 QRF 第二隊成員,你嘅隊員包括沙展 PC59076 ?
PW2 : 係
辯:當晚鴉蘭街砵蘭街交界有縱火事件發生?
PW2 : 係
辯: 縱火事件大約係喺2155 發生 ?
PW2 : 係
辯: 喺2100 嘅時候, 你同你嘅隊員已經到彌敦道雅蘭街設立防線?
PW2 : 係
辯:所以喺2100-2155 呢段時間入面,你同你嘅隊員都喺防線入面?
PW2 : 係
辯:同你一齊設立防線包括隊員59076 ?
PW2 : 係
辯:你喺2100-2155 呢段時間入面,喺雅蘭街,眼見有區域發生一次縱火事件?
PW2 : 係
辯:你喺雅蘭街位置 ,淨係見到你嘅隊員有嘗試進入康民角公園一次?
PW2 : 唔肯定其他小隊有冇進入,但係我嘅隊員係一次。
辯:剛才主問嘅時候,你話見到一名中國籍男子襲擊你嘅伙記,後來先知道係PC23613(PW1) ?
PW2 : 係
辯: 你望吓證物D1(3)呢張相。你話你係企喺相入面私家車VN1658車頭附近嘅位置觀察事件,距離縱火嘅地方兩米?
PW2 : (睇相)
官 : 你係唔係企喺行人前方喺水渠蓋,大約圖中心有雜物嘅位置?
PW2 : 係,我大約企喺貨車DS1658附近嘅馬路中心
辯: 你喺呢個位置望到康民角嘅人?
PW2 : 係
辯: 當刻你就見到你嘅隊員同在場嘅市民對峙緊?
PW2 : 係
辯:你喺你觀察嘅位置,同隊員與市民對峙嘅地方距離係幾多?
PW2 : 我同企喺康民角入面嘅市民相距大約5-6 米 . 我見到我嘅隊員企喺相入面(證物D1 p.1)接近公園入面嘅灰色柱,並且望入公園。
辯:喺同一個時間,你見到有1個伙記俾人推,之後就知係PW1 ?
PW2 : 係
辯: 你同PW1 嘅距離都係5 米?
PW2 : 係
辯:你嘅隊員同市民對峙嘅位置,同PW1被推嘅事件發生嘅地點,係同一個地方,同你亦都相距 5-6 米?
PW2 : 係
辯:你話兩件事發生嘅距離,同你都係相差5-6米,咁你係同一個位置睇?
PW2 : PW1 被推嘅事件發生嘅地點同我相距係5 米,我嘅隊員同市民對峙嘅位置同我相距係5-6 米。
辯:喺對峙嘅位置,如你所見,嗰啲隊員有啲企左喺行人路上面?
PW2 : 係
辯:你講過發生咗2件事,你嘅伙記被推同埋對峙,兩件事係同一時間發生?
PW2 : 係
辯: 你觀察嘅時候,近鴉蘭街康民角嗰度有多於一個警員?
PW2 : 係
辯: 剛才主問嘅時候,你話當你目擊警員被推嘅時候,PW1 係望住市民戒備緊?
PW2 : 係
辯:你話PW1 被推嘅時候,唔係跑緊入康文角,而係戒備緊?
PW2 : 係
辯: 喺PW1 被推嘅時候,佢附近有20-30人?
PW2 : 你嘅附近指邊度?
官:辯方律師,你嘅20-30 人係唔係計埋警員同埋在場市民?
辯:我改嗰問法再問
喺PW1 被推嘅時候,行人路上都有你嘅隊員?
PW2 : 係
辯: 當PW1 被推嘅時候,嗰位警員附近有20-30名非警察嘅人士?
PW2 : 我睇得好清楚睇PW1 當時嘅位置 .
佢嘅右方冇行人,亦冇聚集人。佢嘅右後方都冇人,所以我睇得好清楚。
辯: 明白
我哋專注返PW1 被推嘅動作
你話見1位到中國藉男子推PW1 左邊背脊近中間位嘅位置
PW2 : 係
辯:你話PW1 右後方冇任何嘢阻礙你嘅視線
PW2 : 係
辯: 你應該見到推PW1 嘅人嘅衣著,樣貌同埋特徵。
PW2 : 成件事發生得好快,我亦都唔知道中國藉男子幾時喺PW1 嘅左後方出現,當呢個中國籍男子推完PW1 之後已經立刻向後方跑,所以我即時認唔到佢個樣,同埋衣着特徵。我淨係知道佢係戴眼鏡同埋孭背囊。
辯:明白,你話所有嘢都係發生好快。咁我哋睇返你嘅第一張口供紙。你話推PW1 嘅人喺左邊出現,主動靠近PW1 . 即係話你有足夠時間係見到推PW1 嗰位人士係主動靠近佢 .
你同唔同意你口供紙講事件嘅過程同你啱啱喺法庭俾嘅口供講嘅速度唔相同?
官:你嘅意思係問緊推PW1 呢件事嘅速度?
辯:係
官:證人,你講關於主動靠近嘅事件,喺警署同埋法庭嘅講法唔同
PW2 : 我唔同意
辯: 你喺第一份口供紙,冇講過你見到推PW1 呢件事喺雅蘭街行人路嘅路邊發生。
PW2 : 我想睇返口供紙先
(PW2 睇口供紙)
辯:就住PW1 被推嘅位置,你喺口供紙冇講過。
PW2 : 係
辯:關於中國藉男子推PW1 嘅身體位置,你喺口供紙冇話係背部,你只係話係左邊身。
PW2 : 係
辯: 即係話兩份口供紙,你都冇講過背部位置
PW2 : 係
辯:你同法庭講話嗰位中國藉男子,喺推完PW1 之後向後跑。姐係喺PW1 附近都有20-30人?
PW2 : 你指喺公園入面?
辯: 你喺法庭話推PW1 呢件事係發生喺行人路上面
PW2 : 係
辯:所以嗰位PW1 佢身邊附近都有20-30人?
PW2 : 我觀察到PW1 左手邊有20-30人聚集
辯:你見到PW1 俾人推 , 咁佢有冇立即轉身?
PW2 : 有
辯:你話佢附近有人嘅狀況,係發生喺佢轉身前定轉身後?
PW2 : 事件發生前同埋後,聚集嘅人都係企喺公園附近
辯: 呢啲人係咪同PW1 好近?
PW2 : 有2米左右
辯: 係市民唔係警察?
PW2 : 係
辯:呢20-30 嘅人同啱啱同警員對峙係唔係同一班人?
PW2 : 唔係同一班
辯: 即係話除咗呢20-30 嘅人之外,仲有另一班人同警員對峙緊?
PW2 : 係
辯:睇辯方證物D2 影片
你係企喺證物D1(3) 相片嗰個位置,見到有人同警員對峙,同埋PW1 被推嘅情況,係同一時間發生?
PW2 : 係
辯: 現場有2件事發生,一件係對峙,一件係警員被推。呢兩件事發生嘅地點同你觀察嘅地點,邊個比較接近你?
PW2 : 你指邊件事?
官:辯方嘅意思係呢2件事,邊件事發生地點近你啲
PW2 : PW1 被推嗰件事距離我近啲
辯: 一齊睇片先 (拍攝於 2150 鴉蘭街康文角發生嘅事)
播片0000-0033
辯: 喺未睇片之前,你同法庭講話隊員同市民有對峙,係咪就係片段入面嘅情況?
PW2 : 係,呢個係對峙嘅開始。
辯: 喺畫面中間偏右,1灰色衫人士企嘅嗰度,係咪大約就係你當時觀察嘅位置?
PW2 : 係,喺附近。
辯: 條片嘅畫面係對峙嘅開始?
PW2 : 係
繼續播片去到 000236
辯: 你會有印象,喺隊員同市民或者行人有對事嘅位置,係向荔枝角道方向前少少。而PW1 被推就喺嗰度發生?
PW2 : 唔明你問嘅位置喺邊
辯: 你係身處雅蘭街,面向彌敦道,背後接近荔枝角道?
PW2 : 係
辯:片段係影緊喺康文角同鴉蘭街發生嘅事
PW2 : 係
辯:你同法庭話有隊員同市民對峙,你嘅講法係好似片段咁發生。
當時你嘅位置見到有人同警方對峙,你見嘅情況係咪同你啱啱睇片入面嘅情況一樣?
PW2 : 條片係喺PW1 被推嘅時間嘅情況,當時我冇望公園入面嘅事。
辯: 喺你面前片段入面嘅情況,係咪就係當晚發生嘅事?
PW2 : 我淨係見到有對峙,但係聽唔到對話。我專注唔係對峙,我望緊縱火嘅位置。
辯: 你記唔記得案發當晚,有1位女士攞揚聲器,講關於叫指揮官嘅說話,你聽唔聽到?
PW2 : 當時聽唔到
官:辯方,你係問聽唔聽到有人攞揚聲器講嘢,定係問聽唔聽到有人講「指揮官」呢幾個字?
辯:我再問過,你聽唔聽到有人用揚聲器講嘢 ?
PW2 : 你問緊全晚定點?
辯:2154嘅時候
PW2 : 我淨係聽到有人叫囂,但係唔知咩人
辯:片段有隊員同市民對話,你喺現場係聽唔到佢哋嘅對話內容?
PW2 : 聽唔到
辯: 你喺雜物前觀察嘅時候,對峙嘅人數,情況以及隊員嘅情況係咪同片段一樣?
控方插嘴:你條片段好長,請你specific啲問你嘅問題。
官:我哋先睇吓pw2 嘅理解先
辯: 片段嘅對峙情況,同你現場睇嘅差唔多?
PW2 : 係
辯: 對峙同埋PW1被推呢兩件事,PW1被推呢件事係近你啲?
PW2 : 係
辯:關於該名中國藉男子,你話你睇唔到樣貌同埋衣著?
PW2 : 係,我睇得唔清晰
辯: 當該男子被制服嘅時候。係有5-6 名警員合作制服?
PW2 : 係
辯: 所以你係冇機會去留意清楚呢名男子嘅樣貌同埋衣着?
PW2 : 係
辯: 而且當時你仲有其他工作,例如要驅散聚集嘅人群。
PW2 : 係
辯: 當去到旺角警署,你由警員23613(PW1 )得知推佢嘅中國籍男子嘅衣着係淺藍長袖加黑色褲?
PW2 : 唔係黑色,係綠色褲,我講錯。
辯: 你幾時講錯?
PW2 : 較早前
辯:你喺旺角警署有冇問過警員23613 (PW1)喺執勤期間,即係當晚九點直至返回旺角警署,俾人推過幾多次?
PW2 : 冇問過
辯: 當晚,喺旺角警署拉咗幾多人,拘留人士嘅人數,你知唔知?
PW2 :唔知
辯: 所以中國藉男嘅子衣著係喺旺角警署聽返嚟?
官 辯方,你嘅意思係指唔係親眼見到?
PW2 : 係,我唔係親眼見到
辯: 剛才嘅片段,關於行人/市民同警員對峙嘅部分,就係咁樣發生?
PW2 : 係
辯: 喺當晚現場。除咗呢個對峙,你有冇親眼見到隊員衝入康文角?
PW2 : 冇,見唔到。
辯: 我依家向你指出幾樣野
1.對峙嘅位置比起PW1 被推嘅位置係較近你
2.當時你觀察康文角方向,關於PW1 被推 嘅嗰刻, 你嘅視線係俾對峙嘅隊員同埋市民遮住
3. PW1被推嘅位置,有20-30人阻礙你視線
4.你睇唔清楚 PW1 被推嘅過程
5.你對於PW1 被推嘅事件,你冇親眼見,你只係聽返嚟
PW2 : 全部唔同意
辯:呢件事係發生喺20191031 , 睇返你嘅第一份口供,係20200407先錄。有冇咩原因,要係隔咗大半年先做文字記錄?
PW2 : 冇原因
辯: 同你睇返第二份口供,喺 20201029錄嘅 口供紙,你有講過控方證物p2x CCTV 見到PW1被推嘅情況,而且你話呢件事喺康文角發生。
PW2 : 我想睇返口供紙先
辯: 我想問你PW1 被推呢件事發生嘅位置係?你嘅形容係人影跑出,係彌敦道近鴉蘭街於康文角公園。
PW2 : 我應該係打錯字,唔係件事發生於康文角 ,係近康文角。
辯: 你有睇過口供紙先簽名?
PW2 : 有
辯: 你有冇寫第三份口供紙更正你啱啱講嘅問題?
PW2 : 冇
辯: 你亦冇寫第三份口供講PW1 被推嘅時候鴉蘭街得1個隊員喺路邊。
PW2 : 冇
辯: 亦冇寫第三份口供寫 PW1 被推嘅位置係背脊中間位
PW2 : 冇
辯: 亦都冇係第一同第二份口供紙,講過男子喺PW1 左後方出現
PW2 : 我嘅第一份口供有話喺左邊出現。
辯: 你嘅講法係左邊,唔係左後方
PW2 : 係
辯: 亦冇寫第三份口供紙寫新講法
PW2 : 冇
辯: 我冇其他問題