第96集 － 被捕篇 之 保釋
Loewenstein坐夠48 ：同佢講我係唔會保釋，你一係扣我48小時帶上法庭，到時我就向法庭申請保釋。
保釋 ：被捕後搵律師，主要目的係保釋，保釋金大約幾百到幾千不等，喱層律師會幫你安排，警方會告知你保釋之後幾耐要報到（通常大約一個月）期間可能需要配合問話等等。
緊記，保釋後定期到警署報到，唔係【被捕】。
要求補資料 ：保釋後，如果警方突然對你好好，咩都就晒你，要你返去補資料；首先，任何資料係需要【被捕】時提供，除非佢再次拘捕你，否則警方係冇法定權力要求你去補資料。
踢保 ：
首先要被捕一次，報到續保嗰刻你同佢講，「我唔會保釋，你一係放我，一係告我」。
不過咁做，係有風險；因如果你繼續選擇保釋，警察好多時決定要起訴你既時候，係下次報到時候會話你知幾時起訴你，你可以因此有所準備。
但係踢保後，若佢要起訴你就可以隨時拉你，咁你所能控制嘅就比較少。
檢控 ：保釋期間，如果律政師決定要檢控，佢哋會畀張律政司寫的控罪書。時間上面，從你被人放出嚟，到真正攞到控罪書，請參考番陳淑莊的例子，可以係整整2-3年。
更重要嘅係，即使佢哋遲遲都搵唔夠證據，做事認真嘅阿sir其實唔需要通知你，可以叫你繼續番警署報到。針對喱個情況，一個有能力的律師／大狀就會幫你chur住警察，軟硬兼施咁要求佢哋唔好再拖你。
← 個人聯絡 (@Loewentstein)
———————
醫療支援 @sharing_ec 或 杏林覺醒：46100186
被捕支援 @Abccbbc ；WhatsApp：98190979 （星火同盟）