第69集－叛逆
Loewenstein君子有所為有所不為。
聽聞有人發表要組臨時政府嘅言論，咁我都要不專業咁講講有嘅後果同責任。
可以參考香港法例第200章《刑事罪行條例》第2條：
(1) 任何人有下述行為，即屬叛逆 ——
...
(c)向女皇陛下發動戰爭 ——
(i) 意圖廢除女皇陛下作為聯合王國或女皇陛下其他領土的君主稱號、榮譽及皇室名稱；或
(ii) 旨在以武力或強制手段強迫女皇陛下改變其措施或意見，或旨在向國會或任何英國屬土的立法機關施加武力或強制力，或向其作出恐嚇或威嚇；
(d) 鼓動外國人以武力入侵聯合王國或任何英國屬土；
(e) 以任何方式協助與女皇陛下交戰的公敵；或
(f) 與他人串謀作出(a)或(c)段所述的事情。
(2) 任何人叛逆，即屬犯罪，一經循公訴程序定罪，可處終身監禁。
喱條Treason係好嚴重嘅罪行，可能你哋見到會覺得奇怪，點解仲係女皇。非常極之好嘅問題，宗主國嘛，咁香港呢？之前其實有提過，將女皇轉做中華人民共和國中央人民政府；喱個其實就係23條通過後會去改嘅字眼。
但並唔能夠因為字眼有問題，而去挑戰法律，依家喱啲唔係講緊違例泊車罰你$320，係真係坐終身，唔係講笑。
———————
仲有《刑事罪行條例》 第3條：
(1) 任何人意圖達到以下任何目的，即 ——
(b) 在聯合王國或任何英國屬土境內向女皇陛下發動戰爭，旨在以武力或強制手段強迫女皇陛下改變其措施或意見，或旨在向國會或任 何英國屬土的立法機關施加武力或強制力，或向其作出恐嚇或威嚇；或
(c). 鼓動外國人以武力入侵聯合王國或任何英國屬土，並以任何公開的作為或以發布任何印刷品或文件表明該意圖，即屬犯罪，一經循公訴程序定罪，可處終身監禁。
(2) 就根據本條提出的控罪而言，即使被控人經證實的作為足以構成第 2 條所指的叛逆，亦不得以此作為免責辯護...
喱條係講Treasonable Offence，講你有犯罪意圖就已經中招，其實同不誠實使用電腦一樣，都係一種「未完成嘅罪行」，但判罰可以同s.2一樣，仲要如果你做嘅嘢合乎s.2要求，你s.3係入梗。
———————
[1 Jul 2019 at 2:38:37 PM]:
你好，你在法律解說中提述叛逆罪，在現行政府體制不具約束力。除非另有條文指明該條的條文獲過渡或適用，律政司不可能以該等條文起訴
嗯，我最期待的畫面出現了。多謝你哋開始fact check我。首先我哋可以睇睇香港憲法文件當中文件A601 《香港回歸條例》第6條，有關對法例字眼嘅修訂指會加入附表8；另外，睇香港法例第1章《釋義及通則條例》第2A(3)條：
在所有原有法律中出現的列於附表8的字和詞句，須按照該附表解釋。
附表8 內容係啲乜呢？
1. 在任何條文中對女皇陛下、皇室、官方、英國政府或國務大臣(或相類名稱、詞語或詞句)的提述，在條文內容與以下所有權有關或涉及以下事務或關係的情況下，須解釋為對中華人民共和國中央人民政府或其他主管機關的提述 ——
(a) 香港特別行政區土地的所有權；
(b) 中華人民共和國中央人民政府負責處理的事務；
(c) 中央與香港特別行政區的關係。
2. 在任何條文中對女皇陛下、皇室、官方、英國政府或國務大臣(或相類名稱、詞語或詞句)的提述，在文意並非第1條所指明者的情況下，須解釋為對香港特別行政區政府的提述。
亦都因為咁，23條通唔通過，其實意義不大，本身已經refer做abc嘅嘢。
咁大家點解仲係咁驚23條？首先會改喱啲原來英國嘢嘅字眼做HKSAR，跟住23條對象係中央人民政府，例如顛覆國家罪，佢只要話你係，你就係，一種強大嘅莫須有。
← 個人聯絡 (@Loewentstein)
———————
醫療支援 @sharing_ec 或 杏林覺醒：46100186
被捕支援 @Abccbbc ；WhatsApp：98190979 （星火同盟）