第41集－中環軍用碼頭
Loewenstein我覺得你哋真係太敏感，逢中必反，喱啲思想好唔要得，你哋冷靜咗先。
等我整理一下資料，讓我娓娓道來。
有啲人擺明係左右緊你哋思想。當你聽到一啲嘢嗰陣，要質疑來源，質疑真偽，自己搵相關資料，唔好道聽途說，人云亦云。
切記，唔好受啲有心人煽動。
想有啲基本資料請睇睇喱兩則新聞，但先唔好屈我係hk01打手，我見到佢哋有報導先分享出嚟畀大家有個事先了解。（新聞 1 ，新聞 2）
———————
今日嘅解放軍軍事用地，除咗喺2014年港府靜靜雞撥地畀解放軍做「軍事用途」嘅大帽山山頂之外，當日英軍答應嗰19塊軍事用地轉交解放軍都係喺一份1994年中英雙方簽署嘅一份協議而嚟，叫《1994年中英防衛用地協議》。
最後一塊移交畀解放軍駐港部隊嘅地，就係喱個今日好多人關注嘅「中環軍用碼頭」。好可惜喱份協議嘅內容從未被公開。
引述Wikipedia，喱份協議當中規定係：「在中環及灣仔填海計劃藍圖中，香港政府將於威爾斯親王軍營附近預留150米的最後永久海傍，供1997年後興建軍事碼頭之用。」
2019年4月2日嘅保安事務委員會會議便覽入面，則有更詳細嘅正方官方背景資料。
爭議在於，嗰18塊地嘅轉移，都係「完璧歸趙」（如果無記錯，不負責任嘅老人家記憶），而喱個中環軍用碼頭，塊地係填出嚟，同本身港英時代嘅位置、大小都已經大相逕庭。
點解？
大家睇吓以下嘅圖（取自破折號）。
請唔好理佢紅色格， 你要望嘅係軍事碼頭嗰條線。
因為喺未填海嘅時候，碼頭實際會係咩樣、範圍、用途等等都冇詳細定出，只係用一條線去顯示，直到2013年你睇到上面張彩色圖嗰陣已經係七七八八，決定係要將連接地畀晒駐港部隊。
我嘅問題：點解一定要畀埋連接地解放軍？
答案：2014年，城規會決定將中環部分海濱劃作軍事用途。
有冇人挑戰過城規會當年決定？有，但退出咗。
或者睇到喱幅圖你都會同我有個疑問，就算喱個位真係冇人用，佢依家真係完全截斷咗整條中環海濱個喎。無偈，起都起咗，要反對嘅當年亦有人提過，設計嘅嘢，你又可以點？
另外，你可以留意一下，睇返2019年我哋嘅特首林鄭，其實可以話算叫無視咗2013年做嘅公眾諮詢。
佢指令保安局改五條regulations，將碼頭連接陸地列為「受保護地方」、授權解放軍請人做「特派守衞」、將嗰四個建築物列為「禁區」同限制船隻進入碼頭附近海域。
就算早喺2000年，解放軍承諾碼頭喺無軍事用途嘅情況下開放畀公眾嘅時候，當係海濱長廊咁用，實際開唔開放嘅權力，仍然持在軍方手上。
早喺幾年前，港大法律系教授張達明建議政府公開1994簽定的協議來澄清實際操作係點，但政府認為「重新規劃是一個『技術調整』，而劃作軍事用途比作為公共空間更為『務實』。」
至於立法會要通過嘅嘢，只係知會一聲，係先過後審，但又點解係6月29日？
而且，本身由個泊位變成相連土地同建築物，係2014年嘅事。最具爭議嘅位，唔係啲咩「海濱送中」，而係做咩要成幅地都係「受保護地方」。
← 個人聯絡 (@Loewentstein)
———————
醫療支援 @sharing_ec 或 杏林覺醒：46100186
被捕支援 @Abccbbc ；WhatsApp：98190979 （星火同盟）