第172集 — 區選後策略

我收到一啲message，就係依家建制嗰邊已經係成立咗一啲組織，就話要監察區議會。

其實，係唔怕人監察嘅。因為既然係一個民主嘅社會，係要由多方面嘅機關要去制衡，咁先至可以有一個比較客觀嘅意見。同埋民主社會，有時就係會你做錯咗，唔跟住民意行嘅，民意就會推翻你，你點樣選上去，就點樣落返嚟。

但係如果你係話嗰班建制喺雞蛋裏挑骨頭嘅話呢，有一個最重要嘅，就係先發制人。你要令到佢哋收皮，就係要調查返之前嘅大白象工程，嗰啲工程撥款，又或者係R funding嗰啲嘅事入面，有冇啲瀆職嘅行為、貪腐嘅情況出現。

當你一開始喱啲調查嘅時候，佢哋身有屎就唔會出聲。咁係咪話一開始要爆曬啲嘢出嚟就算呢？唔係。因為仲有個選舉，係立法會選舉。

不論係美國嘅選舉、台灣嘅選舉，佢哋都會喺臨開始選舉工程嘅時候，大家相安無事嘅。然後到中間就開始好多嘅謠言出嚟，咁就開始會令到你會轉移視線。可能你覺得嗰啲好小事，但開咗個頭，然後不停接着去，越爆越多，你一開始無堵截到佢，直到佢越煲越大，到你收唔到科，為咗解決呢啲信譽危機、政治危機，就忘記或者轉移咗，去非選舉工程嘅事，令到你唔能夠專注喺選舉工程入面。

但係，佢都唔會整死你喎，佢會喺臨投票前一個月就開始不停爆你啲嘢出嚟，就要令你喺選民面前身敗名裂，哪怕嗰啲手段係幾咁藞苴又好，點都好就係要令你身敗名裂。因為選咗之後，要告我選舉呈請咪告，但選到係選到，政治上嘅嘢就係咁黑暗。

雖然我知道唔會有區議員聽我channel講嘢。但係個做法就係，首先開宗明義調查，而且有啲端倪可以喺段時間出嚟先發制人，令到佢哋唔會去挑你骨頭。然後當中喱幾個月咪去慢慢交啲實際嘅政績出嚟，又或者喺調查上面開始，畀到你嘅選民，不論係投畀你嘅選民又好、唔投你嘅選民又好，總之係嗰區嘅居民知道，之前咁多屆入面，建制壟斷咗區議會所做嘅衰嘢。

然後喺佢立法會選舉之前，一個致命打擊，咁佢成個立法會就玩完。咁立法會就係比例代表制，我會寫啲嘢出嚟，畀大家知道立法會嘅玩法同區議會嘅玩法係非常唔同，自己嘅取態都會係同今次區議會完全唔一樣。

————————

請大家睇一睇以下嘅youtube片。