第15集 － 私隱專題（第一輯）
Loewenstein你嘅個人資料，係受香港法例第486章《個人資料(私隱)條例》保護。
廢話唔多講，直接入正題。
喺第18(1)條：
人話版：
任何人或者佢嘅代表可以就個人資料提出要求 ——
(a) 要求揸住資料嗰個人（例如：醫院）話畀自己知係咪有某人嘅資料（申請人）。
(b) 如果有，要份copy。
又睇吓第58條講一啲豁免嘅情況：
人話版：為咗防止罪行或者拘捕、檢控、拘留犯罪者等等原因，而持有個人資料，係唔受上面第18(1)(b)所限。
即係話，喺去醫院個情況嘅係，唔需要一定要個 「病人或其代表」去向「醫院」要份copy，等於可以理解為，可以不合理地查閱資料。
跟住又去到第60A(1)條：
人話版：
如果揸住資料嗰方，畀copy係會導致犯罪（除咗私隱條例嘅罪），就可以豁免，即係可以唔提供copy。
我哋又睇吓同一條例嘅附表1提到嘅第3原則（DPP3 - 個人資料的使用），我照搬字過紙你睇：
(1)如無有關的資料當事人的訂明同意，個人資料不得用於新目的。
(4)在本條中 ——
新目的 ( new purpose )就使用個人資料而言，指下列目的以外的任何目的 ——
(a)在收集該資料時擬將該資料用於的目的；或
(b)直接與(a)段提述的目的有關的目的。
第4款可能睇到有啲眼花，意思係；
除咗本身已經有嘅目的，或者係直接相關嗰個目的嘅目的之外，全部都係新目的。
（例如做醫學研究，跟住有新發現就用嚟發表醫學論文同刊登上期刊，就唔係新目的）
為咗新目的而用資料，必須經畀資料嘅人同意，先可以用，否則唔可以用。
咁問題嚟了
一、警方是否有權向醫管局索取病人個人資料？
二、醫管局是否有責任或義務向警方提供個人資料？
三、醫管局收集個人資料時，有否向病人講資料會予警方查閱？
四、若予警方查閱是新目的，該特別列表的病人，是否同意醫管局將資料用於此目的？
首先，望吓警方係點先。
我哋睇字眼。
行動紀錄：xxxx由警方收集xxxx
雜項查詢檔案：xxxx由有關人士提供或由警方收集xxxx
就咁睇，其實真係冇乜問題，而且喺私隱條例第58條入面，的確容許為咗拘捕犯罪者而去向醫管局攞資料。
咁大家見到，我問題入面，三個問題都解決咗。
咁第四呢？病人有冇被告知同埋同意資料畀警方呢？
如盧偉聰講，詳情問返醫管局，即係割蓆。就算醫管局自己報，警方都可以話為保障報案人身分而唔透露。加上私隱條例第58(1)係豁免咗第18(1)(b)嘅應用，警方又真係可以咁做。
只係醫管局....就真係睇點去解今次嘅畫了。
多謝陳沛然醫生嘅資訊。
← 個人聯絡 (@Loewentstein)
———————
醫療支援 @sharing_ec 或 杏林覺醒：46100186
被捕支援 @Abccbbc ；WhatsApp：98190979 （星火同盟）