手足呀拔家書

各位真·香港人：

今日係我被還押第217日。

美國警察跪頸殺死黑人青年，該警察被捕及被控二級謀殺，三名在場警察被革職同埋檢控，拘捕記者後官員第一時間道歉。

警員向示威者開槍，導致一死，局長革職，兩名警員停職受查；

警員推倒跪下悼念一名女子，被停職受查；

檢察官FB稱示威者為「動物園入面嘅動物」亦被炒魷魚。

香港黑警無論近距離向我哋射實彈同埋像（橡）膠彈、海綿彈；拘捕、射盲記者；打甩手足4隻牙⋯⋯黑警都毋須承擔後果，叫我哋做「曱甴」，叫記者做「黑記」都唔使承擔後果，（有投訴，去投訴組）黑警惡行仲會得到稱讚。

建制，PK鄧混淆視聽

今日CCTVB，報導打壓人民賤閪·大聯盟（民賤聯，咁樣講係唔會對共產黨黨員不莊重，以言入罪？）開會，關注犯罪年輕化，企圖轉移視線，漠視警暴問題。

會議上PK鄧講：「年輕人參與抗爭係被煽動⋯⋯年輕人一腔熱血為香港變得美好，宜家香港滿目瘡痍，反問年輕人嘅行為係咪同法治精神背道而馳？」

煽動我哋嘅係⋯⋯唔該你起訴佢：

1.林鄭柒婆：

2003年23條50萬人上街，即撤回；2019年6月9日，逃犯條例，百萬人上街，當日晚上宣佈6.12堅決二讀⋯⋯直到2019年10月23日先正式撤回，係邊個教我哋和平示威無用？係邊個逼我哋勇武抗爭？PK鄧，煽動我哋嘅係林鄭柒婆，唔該你起訴佢。

2.警暴問題：

香港黑警濫捕、濫權、濫用武力、埋沒死者真相，導致我哋仇警嘅係：盧偉聰、PK鄧、逆權運動上過前線嘅P.T.U.指揮官，唔該你起訴佢哋，煽動我哋上街頭抗爭；仿效美國做法，清算警隊。

3.人物眾多

煽動我嘅係，一班狗官言論（人物不分先後次序，惡行太多不能盡錄）：周浩鼎、容海恩、李慧琼、楊潤雄、董建華、梁振英、鄭若驊、葉劉淑儀、何君堯、郭偉強、陳帆、張建宗、梁君彥、李家超、梁美芬⋯⋯清算呢班狗官。

我哋嘅行為係無同法治精神背道而馳，背道而馳嘅係一班撐國安法嘅始作俑者。

香港再重新出發？

又係董建華、梁振英，又係講修補社會撕裂、深層次矛盾。

唔該大家Replay，梁振英造成社會撕裂、深層次矛盾；林鄭做特首前講過「首要任務修補社會撕裂、深層次矛盾。」

呢句嘢又無限咁Loop，政府要做就晨早就早（做），政府根本唔打算政變，而撕裂、矛盾番唔到轉頭，除非大洗版、清算，先至係出路。

真·香港人，唔好諗住溫和派有用，唔好自己呃自己，清醒一下。政府若有心想修補社會撕裂、深層次矛盾，早就回應我哋五大訴求，佢根本一次又一次欺騙我哋。

我唔係英雄，只係一個平凡公民，英雄係屬於每個真·香港人，向你哋致敬。

政府唔好唸（諗）住監禁我哋係有用，無論勞教、更生中心、抑或坐監，呢D都（對）我哋無用架，只會令更多嘅真·香港人憤怒。我哋唔會停止抗爭，我哋有可能成為更加多嘅曼德拉。

前日大狀同我講：「無論結果係點，都會陪我走落去，案情比暴動嚴重，最壞打算六年。」我預咗有案底，我唔怕、我唔驚，因為在我背後，有幾百萬真·香港人撐住我，I'm not Alone.

我哋最驚係國安法，隨時洗腦再教育營，同埋，大家嘅心冷卻，呢條惡法無得袋住先，大家撐住，反抗到底！

殲滅中共

光復香港

還柙抗爭手足

阿拔

June 7 2020