《反駁藍絲資料庫》
Havertz.大家唔可以停留喺撳一兩個掣嘅低成本反撃手段，要針對對家內容作出一針見血、強而有力的反駁。
例如有長輩send條片比連登仔，連登仔需要有能力以最簡短、最容易理解嘅語言，指出條片偏頗／歪曲事實嘅位喺邊。依一點好多人都做唔到，好多人只係覺得條片有問題，但講唔出問題喺邊。咁樣打文宣戰就死得。
有巴打build咗反駁藍絲資料庫，大家可以Click入嚟睇、幫手。
反駁藍絲資料庫
版規
收錄準則
- 訂立一些收錄準有助確保質素。劣質的反駁（例如純粹的人身攻擊）不建議收錄於這裡。侵犯版權的內容亦不應放在這裡（例如直接複製專欄文章、報章內容），請你以自己的文字重新表達你的反駁。如需轉載其他網站的內容，請以超連結代替。
- 應付唔同種類的藍絲有唔同方法，因此這個網站收錄的標準會盡量放寬。唔同論點可能存在矛盾，用家使用這網頁的論點前應小心閱讀。
- 部分自己人的論點都會有漏洞。有嚴重漏洞的論點可以刪除，然後在comments解釋刪除的原因。
其他版規
- 書寫的語言不限於書面語，也可以包括口語。
Q&A Credit to Outliers
Q：我又想幫手，點樣參與？
A：用e-mail註冊一個account，然後喺任何一頁按「編輯」就可以開始修改。（建議用電腦修改，唔好用手機）
Q：點解一定要註冊account先可以參與？
A：因為非註冊用戶會暴露IP address，為咗保護大家，我故意設定為只有註冊用戶才可以編輯。
Q：我寫嘢唔叻，但係又想幫手。
A：你喺Facebook、報章見到精警嘅反駁，都可以轉貼過嚟。Facebook好多插畫家、KOL都貼過啲精采反駁。我們都需要有系統咁整理、循環再用。
Q：藍絲滿口歪理，同藍絲討論都係多餘。
A：有藍絲講歪理，你都要有能力指出佢講嘅嘢點解係歪理，歪喺邊。
Q：你無可能說服到藍絲，點解要同佢地討論？
A：好似杜汶澤對陳百祥咁，其實大家都無可能改變到對方嘅立場，咁做咩佢地要上電視呢？佢地就係要比自己人睇。如果你比藍絲問到口啞啞，一來自己人的士氣會下跌，二來淺黃淺藍會覺得你理虧。
Q：反駁藍絲都係浪費時間。
A：我整依個資料庫就係想節省大家嘅時間。你而家只要反駁一次，千千萬萬嘅連登仔就可以copy你嘅論述去反駁其他人。
Q：如果對方好似陳百祥咁，咩都話睇唔到，咁可以點駁？
A：你可以將影片、相片、統計數據放埋入資料庫。對方話睇唔到，你可以即刻開嚟播比佢睇。
Q：如果對方好似陳百祥咁，死都唔認輸，咁可以點駁？
A：反駁唔係單單為咗爭拗贏對方，只要身邊嘅觀眾覺得你贏咗，咁你已經成功。
Q：對方唔講邏輯、唔講道理點反駁？
A：你唔一定要同對方講道理，你串佢都得架。但係點樣串先串得好呢，就要大家一齊諗，然後放入資料庫。
Q：我自己唔洗靠依個資料庫都諗到完美嘅反駁。
A：你諗到唔代表其他黃絲都諗到，不如你將自己完美反駁分享出嚟，等其他人學習下。
Q：我有幾篇千字文想貼上嚟，得唔得？
A：反駁最好短而精，長文可以貼link或者開新一頁。
Q：驚唔驚藍絲入嚟搞破壞？
A：唔驚，Outliers係唯一嘅admin，可以復原任何破壞、鎖定任何頁面。
【返回目錄】