區域法院第廿三庭 #1118油麻地 續審 [20/25] 

#區域法院第廿三庭

#林偉權法官

#1118油麻地 #續審 [20/25] 

👥D1:歐陽(25) / D2:翟(28) / D3:湛(19) / D4:陳(18) / D5:陳(21) / D6:鄭(25) / D7:莊(28) / D8:周(19) / D9:周(19) / D10:簡(24) / D11:黎(22) 

控罪：暴動

所有被告被控於或約於2019年11月18日，在油麻地窩打老道和咸美頓街近彌敦道一帶，參與暴動。

——————-

【上午審訊】

💛感謝臨時直播員逐字稿💛

法官指示截圖的呈現方法

控方不反對影片呈堂，但對影片內容有爭議。

D1（歐陽）自辯：

• 泊低車的時間是1015/2215
• 車CAM放在倒後鏡下方位置
• 車主為D1父親，2013年購入
• 2019年11月20我離開九龍城裁判法院時已經即時抽取記憶卡
• 交給律師團隊是今年年初的時候

34張截圖由D1本人製作

將記憶卡交給律師團隊時認為需要製作截圖，所以便製作了截圖。檔案名稱的數字是代表拍攝當時的年份日期時間。

001即車CAM有電時拍攝的片段，下一個檔案亦是001，證明車CAM 曾經斷電，即熄咗。車cam在提供電源時就會拍攝，拍攝時間取決於我提供電源的時間。熄匙落車後仍然會拍攝，直至電源耗盡，約有20分鐘後備電源時間。

圖一黃色框所顯示有份租夾公仔機的人

左邊數起第二個紅色框就係哈生

藍色框係oscar，即夾公仔舖的店長

另一個藍色框是oscar的女朋友

最右邊紅色框哈生屋企人

法官要求辯方應事先框起及文字描述，辯方表示他們有框起，但控方反對。法官表示影像才是證據，截圖只是輔助，法官表示並非控方反對辯方就唔做，辯方應做好自己要做的事。

法官問主控為何反對

主控指出因為辯方的文字描述非常仔細，不只是描述影片。

法官表示其實不是同意與不同意的問題，沒有文字描述的話，截圖實在令人難以理解。控方在這類案件都會這樣做，辯方都不會反對，反之，辯方這樣做的時候，控方也不應該反對。沒有文字描述的話，要庭上逐項詢問根本是浪費法庭時間

主控認為辯識的文字描述多於影片反映的事，所以他們依然反對截圖加上文字描述。

法官：你哋自己都係咁做，點解辯方唔可以

主控：因為我哋只會提供中性的描述

法官：佢而家話邊個打邊個都係中性

主控：但佢後面有描述有D1的描述

法官：主控官你聽住，我知道自己做緊咩，我唔係第一次處理呢啲案件，我要對控方辯方都公平，你哋已經決定要超時，再用多我兩日時間，我而家想節省時間。

框人物都唔框得根本就不合常理

主控：咁我交比法庭描述

主官：我都話我知佢可能有自己感想，咁佢都可以寫架，因為呢個係佢嘅證供

主控：但關鍵證供佢都寫埋落去

主官：啱呀，但在此之前佢框人物你咪比佢框，後面你先反對，而唔係全部反對。如果佢嘅描述係主觀的事，當然唔得。但如果佢係描述中性的事實，當然就要加上。

佢反對還反對，你都要做返你自己的事，然後上到庭咪交比我決定。框人物都唔得嘅話，我比多兩日你哋都唔夠！有嘢唔好收埋心裡面，要盡快同我提出！唔好浪費啲咁嘅時間！而家又浪費講十幾二十分鐘。主控官你仲有無嘢講？

主控：沒有

官：辯方呢？

辯方：我而家有個問題，我哋有啲文字描述涉及個人建議

官：你咪自己減省返，聽住，你哋係要令我以最快嘅時候明白截圖想展示的事。你一個問題就可以代替十個問題，咁咪節省咗十倍時間。

你哋已經由我嘅日程抽多咗兩日，我已經儘量遷就你哋，請你哋做好基本功。

唔使理會佢反對，你要做你該做嘅事，而家你哋浪費緊十倍時間，咁咪浪費十倍時間囉

綠色框是D1本人

藍色框是oscar及他女朋友

最後一個框是哈生（？）

圖一及圖二的位置在安興街，夾公仔舖在圖一轉角位

播放被告車cam片

官：你播片之前講下你想我哋睇咩得唔得，如果唔係我哋睇咩。仲有，點解無文字描述，即係地點嗰啲，你要令人明白你哋做緊咩。

我請你哋控辯雙方以用家角度出發，聽審嘅人包括我同聽眾都唔知，睇咩呀，你哋令到我同聽眾明白時間用喺度。

圖都係呀，你截圖你圈住你用文字，你話比我知你想我睇咩，我哋先可以有效有目的去睇。

你做完佢反對咪比我決定囉，我話佢反對無效。但如果唔係嘅，係你超出表述，咁咪唔比你呈上。

有時證據唔係多就重要，你係要令人有focus，你應該有份說明表配合影片。

簡便啲，如果唔係時間就係咁浪費。

辯方呈上有說明版本的截圖表，控方不反對。

官：我唔介意你哋有爭議，但我介意你哋浪費時間。

📺播放D1行車記錄儀片段 

第一段35分鐘

辯方：截圖3-7睇到有另一部車。。。

官：唔係呀，我只係想係兩句就講完呀

辯方：架車由安叮街行到青山公路

官：目的呢，係咪播少少就得。呢啲你哋自己搞掂啦，例如有三個鐘嘅暴動，唔通我哋真係睇三個鐘片咩，你播頭播尾咪得。我哋可能睇一分鐘已經解決，呢啲請你用智慧去處理。

你要我睇三個鐘，得！但你有更有效率的嘅方法

官：目的係證明架車行駛，係咪

辯方：是

辯方：藍色框的車是誰的

D1：是哈生的

辯方：圖十二及圖十三，在18秒開始播起，左邊會見到有排坊嘅建築物，係咩呢

D1：嗰度係順風圍的牌坊

辯方：跟住播放第6個檔案，截圖十四

官：播快少少

D1：紅色框檯住的人物是哈生

辯方：播放第7個檔案，當時等待緊啲咩？

D1：當時等待緊哈生

辯方：第十四個檔案，第二十四、二十五、二十六，第....

官：得，唔好有多餘表述，圖幾就圖幾，唔使頁數。等等，我係期望你係講清楚你嘅目的，例如而家見到架車上咗幹道

官：係咪你揸車

D1：係

官：車上有咩人

D1：我、哈生、oscar同佢女朋友

官：片段裡面你哋而家喺邊

D1：接近南晶站

官：目的地呢？

D1：打算直接去到渡船街同窩打老道交界，進入窩打老道

官：揸咗車幾耐呀

D1：應該5-6年

官：常唔常揸？

D1：常揸車，但主要都係來往屯門、天水圍及元朗地區，對旺角唔太熟

官：我要嘅係呢啲

辯方：當時諗住去邊

D1：行緊連翔道，準備去窩打老道方向

辯方：片中你嘅位置係？

D1：麗麗翔道

辯方：點解你哋轉右？

D1：因為我哋以為轉右可以入窩打老道

辯方：當時的位置是？

D1：渡船街及窩打老道十字路口交界

辯方：遇上咩情況

D1：遇上塞車，加上我哋行錯線，我哋唔可以横行返去我哋想去嘅路

辯方：有架車閃住燈，係咪你所講嘅消防車？

D1：係

辯方：而家見到你架車轉右，係去邊？

D1：渡船街

辯方：而家架車喺邊？

D1：過咗甘縮街同渡船街交界過少少

辯方：呢個又係咩位置？

D1：渡船街，左轉係入西貢街

官：無實時？

$1：無，但檔案有關機計時，加設就可以知道實時

辯：而家喺邊？

D1：而家係文昌街轉入文成街

辯方：而家喺邊？

D1：文成術轉入文英街，泊車，然後步行回西洋菜南街

辯：當時嘅情況

D1：前面白色車泊好後，發現有空位，可以嘗試將車泊過起

辯：當時嘅情況

D1：文天街，我哋嘗試泊入空位

辯方：幾點落車？

D1：落車時間是2215，4個人行去西洋菜南街，我們有送oscar女朋友西洋菜南街，行咗約9個字

官：點解唔將架車泊近啲？我係希望聽呢啲

D1：因為我哋揸車到窩打老道時，道路情況好似唔太理想，所以我哋搵其他，駛入渡船街後，街上比我嘅感想係沒有示威的氛圍，加上我唔想車在馬路上遇上堵塞，所以泊在文天街

辯方：

D1：本身我哋諗住沿彌敦道北行上去，行到西貢街附近，我哋就改變咗選擇，就沿炮台街北上，經過晉發花園、果欄，新填地街

D1畫地圖

草圖上你寫住便利店休息

是

點解會休息

因為我聞到一啲令我哋呼吸唔暢順嘅氣味，所以我哋喺晉發花園便利店附近休息咗10分鐘

大約幾點到達oscar女朋友住所？

2300左右

有送她去她住所？

有

之後呢？

我哋三人就去咗登打士街嘅便利店買嘢飲同食煙

跟住呢？

應該在便利店起碼逗留咗十五鐘

然後呢？

諗住離開去拎車

當時有無計劃回程路徑？

無

回程路徑？

沿登打士街行入彌敦道

點解唔沿路回去？

因為新填地街嗰段路比我哋嘅感覺係路好窄，所以我想行一條舒服啲嘅路，而選擇比較寬的彌敦道

你知唔知有示威活動？

我見到彌敦道南有火花，但太遠，我唔肯定

最終行去邊

我哋沿彌敦道南行線南行

你見到咩

南面前方有火花有煙，我哋嘅側邊好多行人來往，向北向南都有

你覺得自身安危係？

當刻我哋對於前方有火光係清楚，但因為距離好遠，所以我哋唔覺意自己安危受威脅

然後你哋的行程

我哋三個人沿彌敦道南行線行人路行過碧街路口後，約十米左右，就發現前方一群好似封咗十字路口

咩人？

示威人士

點封住？

佢哋聚集在十字路口上，佢哋封住左整條窩打老道同彌敦道交界

於是？

我哋想經過右手邊，即橫跨彌敦道向碧街行，去迴避前方的情況

官：你哋到咗碧街街口學

D1：到咗

官：打算點行

D1：面向南邊，橫跨彌敦道離開呢個區域

跟住呢？

未起行之際，突然間喺我哋前行有大量市民或大群向我哋衝來，然後我就同兩位同行者走失咗

然後呢

因為我哋大概有概念知要點去，就打算橫跨彌敦道，行本案小巷1嘅方向

有無行入小巷1

有行入小巷1

小巷1發生咩事？

裡面嘅人群無郁，然後不斷有人湧入，一分鐘之內後面有人湧出，導致我跌倒，前方的人壓在我身上

隔咗好耐先有消防員處理我哋呢啲被壓住嘅人，隔咗約10-15分鐘。比消防員救返後做咗簡單的包札，然後隨即就有警告上索帶，就在現場唔信等候咗幾耐先比人帶起臨時羈留區，宣佈被拘捕

D1再畫地圖

官：你話你見到有人塞住，所以打算横跨彌敦道走，我哋知道有地鐵站的通風巷，你知唔知嗰度好似得兩條巷

D1：我知道嗰度有兩條路

官：你哋係行？普通步速？

D1：係

官：你話分開係指短暫分開定失散

D1：失散，因為人群撞曬

官：有無一刻會加快移動速度

D1：無，我哋當時企咗十幾秒就比人群沖散

官指示D1在相關位置畫交叉

官：你企喺邊

D1：應該係馬路慢線

早休

早休

有無見到警察

橫跨彌敦道時見到佢哋衝過嚟

傷勢如何造成

人踩人造成，因我在最低，我是面向地下

官：有無衣物因為傷勢而改變

D1：沒有口罩手套，只有相中的服飾

官：相中有藍色係？

D1：斜背包

官：照片的內容是你袋嘅嘢嘛？

D1：係，並無任何加減

主問完畢

控方盤問

20191118你知道理大比示威者佔領

知道

知道警方在外圍包圍理大示威者

知道

你知道理大示威者與警方之前幾日發生過激烈衝突

知道

你是從各大傳媒同網上得知？

透過電視新聞得知

當時到處都有非常廣泛報導此事

有

你本人有無從網上途徑認識到理大事件

有睇網上的媒體，有睇過少量片段

包括智能手機的APP？

透過FB

你有無裝媒體嘅應用程式

無裝過

你嘅證供係電視台同媒體嘅APP你都無裝？

係，因為我唔睇報紙

你有揸車聽收音機

唔會，因為我會聽歌

手機有無程式係有網上討論區？

我唔記得我係事前有裝定事後有裝

即係幾時裝？

答你唔到

你係之前定之後安裝？

之後

你而家又記得返？

當時已經隔咗好耐，因為我係玩嘅遊戲有討論區，所以我先裝

所以你嘅證供係你唔記得你幾時安裝連登？

係

即係你之前話你係被捕事後裝連登，即係錯啦

肯定被捕前無裝

你短短幾分鐘已經有三個答案

因為你表達得唔清楚

有無裝telegram？

我而家有，當時有無我唔知

被捕當日有無telegram你唔知？

係

你又知連登？

連登係因為我打機，我先上連登

Telegram你係被捕前定被捕後安裝？

唔記得，連登係因為打機食花生要裝

新聞媒體APP你無裝，你好肯定

係

你每日揸車返工

係

你住屯門

係

你喺濕地公園路地盤返工

係

你係固定還是有其他地方去

我2019年已經固定呢度

你開車前唔聽封路嘅？

係

你嘅證供係你完全唔睇封路消息就出去

係

同行人點識

哈生係打機年中識嘅，oscar係4-5月佢嘅夾公仔舖識

你點形容你哋嘅關係？

普通朋友，交流嘅都係夾公仔機

Oscar嘅女朋友識咗幾耐？

一樣啦，19 4~5月夾公仔舖開舖時認識嘅

你同佢女朋友熟唔熟？

佢好少喺舖頭，交流甚少

知道佢姓陳？

係

2019 11月你知道佢姓陳？

唔係，被捕完先知

你講緊元朗開車前一班朋友食飯，食飯包括咩

我、哈生、哈太、哈生嘅外母、哈生嗰仔、oscar、oscar女朋友

你話飯局途中oscar女朋友接到電話

係

佢點同你哋講？

佢話佢屋企人叫佢返屋企，因為九龍區好亂

你當時聽到九龍區好亂，你係知道佢講咩？

我唔明

你當時聽到九龍區好亂，你係知道佢講咩？

九龍區好亂咪九龍區好亂

你都知九龍區點解好亂？

我估應該係講緊理大卦

你理解係理大附近一帶好混亂

係

咁理大好亂同佢住旺角有咩關係？

無理解到，人哋要返屋企呀嘛

你無問點解九龍區亂佢就要返屋企？

無

你哋嘅回應係？

坐席嘅人回應call的士走

邊個？

哈生

跟住嘅對答係？

佢收到電話，哈生就話call的士返去，有嘗試call的士

最後call唔到，所以由你送佢返屋企

係

同車有oscar, 佢女朋友，哈生同你？

係

係你揸車

係

哈生嘅車裝咗公仔機嘅貨所以載唔到人

係

點解哈生一齊出旺角？

因為本身係佢車人嘅，但因為佢架車裝唔到人，我嘅理解係佢陪同出旺角係彌補自己載唔到人嘅責任

原本計劃哈生載oscar女朋友

係

你哋去咗泥圍，哈生屋企

係

但哈生無趁機擺低啲貨騰出空位

無

原先計劃哈生車，因為佢哋比較相熟

因為佢哋係場主同租客嘅關係，所以比我熟

雖然一齊去哈生去泥圍屋企泊低車，但哈生都無用自己車送oscar女朋友

係

Oscar嘅女朋友佢就係喺新光（剛）大廈，你哋有送佢到遲新光大廈

係

有無入去

無

送到門口就走

係

喺你被捕之後，你有無同哈生討論過呢件事

佢有問我咩情況，我咪答佢審訊咩階段

有講事發經過？

係

Oscar呢？

當時我少聯絡，我只係問咗可唔可以出庭作證

Oscar女朋友呢

我有問佢可唔可以出庭作證之類嘅嘢

假設你講嘅嘢為真，oscar女朋友可以講得出你送到佢返屋企

係

Oscar都可以講到你係無辜比人拉

係

呢個審訊我哋唔會聽到oscar oscar女朋友嘅證供

係

呢個審訊我哋亦聽唔到哈生嘅證供

係

如果係罪成係有機會判處監禁

係

但我哋聽唔到三位人士嘅證供

咁你唔可以逼人作供

官：你比證人講埋先，你中途截停佢會嚇怕證人，唔好做無謂嘅批評，而且佢嘅答案係相關。

證人都係，長短自己話事，你要明白佢想問咩，你就盡量去答，唔明就話唔明，咁有時一個問題已經帶出好多嘢

官：你原本想告咩

D1：佢哋唔願意作證我逼唔到佢哋

你話哈生同oscar都係普通朋友

係

呢兩個朋友都唔願意幫你作供

係

你嗰車cam係咩牌子

第一現場

裡面嘅片段會錄影功能，可以錄耐先會比新嘅片段覆蓋

我無細心研究裡面佢可以借存幾耐嘅影片

大約呢

大約2-3日

你話你做咗啲實驗，係咩

我想知佢記錄檔案嘅一刻係咪實時

結果呢

佢儲存嘅時間就係佢完嘅一刻

呢個鏡頭有無後面嘅

無

所以只睇片段唔知你帶咩上車

係

亦都睇唔到邊個上咗車

如果佢無喺車頭經過就睇唔到

無顯示日期時間

係

聽唔到車入面嘅人嘅對話

係

單睇影片，無你嘅證供，係睇唔到影邊一日

係

喺你面前有列表，呢啲檔案名稱由一組組數字組成，係可以被修改嘅

係

因為我哋唯一見到時間片段資料係來自檔案名

係

你亦提高車CAM仲有20分鐘備用時間

大約

2-20片段都係3：01

係

第一段係53秒

係

點解呢？

視乎我著車提供咗幾多電池比佢，因為我當刻有開過一下車，著過一次電，所以佢差過一次電

你在地盤的工作包括咩

包括設計我哋嘅工業系統，管理外判工人的工作進度，要上地盤樓面去檢查工人有無跟我哋嘅施工原則施工

有無需要使用生理鹽水

我哋有機會割傷，生理鹽水可以用嚟洗傷口

官：你opening無提過

控方：我哋無撿取生理鹽水，但見到相片有

官：有相片咪得囉

控方：但我可以案情依賴

官：你可以改，但辯方要知，要比法庭知，一路咁睇，你哋話有啲人嘅裝備有問題，你opening無包D1，咁你哋究竟依唔依賴呢？你要加嘅話要第一時間通知法庭，唔係你自己問到就算

控方：我哋嘅困難係無撿取到

官：主要係相，例如影到有人執住支槍，但搵唔到支槍，咁佢都係拎住支槍。你搞返清楚先，你哋喺opening無話佢有裝備，但係你而家想指出佢有生理鹽水，咁你係咪想依賴呢個說法問落去，你要支會我同辯方。你咁樣會引起不公嘅問題，你而家點做

控方：我會依賴

官：即係增加舉證

控方：係

辯方：反對，而家咁遲先增加舉證，之前開案陳詞同審訊間都無提及過

官：而家問題大獲啲啲，主問已經結束，被告亦都確認生理監水係佢嘅，控方基於自己嘅認知去探討。當一個人可以改變，係咪唔可以改變呢。

辯：我嘅立場係控方太遲，同埋被告已經作緊供，我攞唔到指示

官：即係如果你事先知道，你攞到嘅指示會唔一樣

辯：係，甚至會影響到被告人會唔會作供

官：咁你寫低論據比法庭存檔，我都同意好嚴重

控：咁我哋繼續

官：你哋嘅依賴增加咗一樣嘢，呢樣嘢又幾重要，辯方覺得不公，因為會影響辯方索取指示。你要提出你嘅論據，我點解開頭唔提，點解而家先提，你要寫出你嘅論據，比辯方睇，你哋要好清楚寫清楚你哋嘅論據，唔係兩個字不公。

我哋花啲時間處理，而家午休