ለየት ይላል
Solicious18wp
ሰው ይሮጣል ይለፋል አይቆምም ካለበት
ሊደርስ ከምኞቱ ካሰበበት
ጌታውን ግን የረሳ የምድሩ ከርታታ
በሰላም አይኖርም የማታ የማታ
እኔም እሮጣለሁ ሰው ነኝ እና እንደ ሰው
ልደርስ ከምኞቴ ሕልሜ ነው ከምለው
ግና ይህ አይደለም የኔ ቁምነገሬ
ከሰማዩ ጌታ ነውና ነገሬ
ነገሬ ያለው በእርሱ እጅ ነው |x4
የሚያስፈራኝ የሚያሰጋኝ እስኪ ማነው |x4
ነገሬ ያለው በእርሱ እጅ ነው |x4
የሚያስፈራኝ የሚያሰጋኝ እስኪ ማነው |x4
የማይነጥፍ ሰላም ኢየሱስ ሰጥቶኛል
ከከንቱ መባከን ጌታ ታድጎኛል
እኔ አስቀድሜ የእርሱን ቤት ስሰራ
አየዋለሁ በእርሱ የኔ ቤት ሲሰራ
አልሰጋም ለነገም ብሩህ ቀን ይሆናል
ከእርሱ ጋራ ሆኜ የድል ቀን ይበዛል
ምታመነው አምላክ የሌለ አይደለም
ጌታን ጌታን ብሎ ያፈረ ሰው የለም
አሰራሩ ለየት ይላል አሰራሩ |x4
ነገሬ ያለው በእርሱ እጅ ነው
ዘመኔ ያለው በእርሱ እጅ ነው
ሕይወቴ ያለው በእርሱ እጅ ነው
ኑሮዬ ያለው በእርሱ እጅ ነው
የሚያስፈራኝ የሚያሰጋኝ እስኪ ማነው |x4
አሰራሩ ለየት ይላል አሰራሩ |x4
ሞኝ ናት ይሉኛል እኔን ሳይረዱት ቀምሰው
ተመለሽ ይሉኛል ዋጋ ቢስ አድርገው
እኔ አልፈልግም ካልኩኝ ጭቅጭቅ ምንድነው
እምቢ አሻፈረኝ ኢየሱስ ጌታ ነው
ድንቅ ነው ለኔ ጌታ
ድንቅ ነው ለኔ የሱስ
ሞኝነት ቢመስላት ለዓለም
ድንቅ ነው ለኔ ዘላለም
ድንቅ ነው ለኔ ጌታ
ድንቅ ነው ለኔ የሱስ
ሞኝነት ቢመስላት ለዓለም
ድንቅ ነው ለኔ ዘላለም
አሰራሩ ለየት ይላል አሰራሩ |x4