නිවැරදි වටිනාකම
Manoj Madusanka
වයස්ගතව ගිලන් වී සිටි පියෙක් ඔහු මිය යාමට පෙර තම පුතාට මෙසේ කීවේය. “මෙන්න ඔබේ සීයා මට දුන් ඔරලෝසුවක්. එය අවුරුදු 200 කට ආසන්නයි. මම එය ඔබට දීමට පෙර, ස්වර්ණාභරණ වෙළඳසැලකට යන්න. ඔබට එය විකිණීමට අවශ්‍ය බව ඔවුන්ට කියන්න, ඔවුන් ඔබට කොපමණ මුදලක් ලබා දෙනවාදැයි බලන්න.”
පුතා ස්වර්ණාභරණ වෙළඳසැලට ගොස්, නැවත තම පියා වෙත පැමිණ මෙසේ කීවේය. "එය පැරණි නිසා ඔවුන් ඩොලර් 150 ක් ලබා දිය හැකියැයි කීවා."
ඉන්පසු පියා කීවේ; “උකස් සාප්පුවට ගොස් බලන්න."
පුතා උකස් සාප්පුව වෙත ගොස්, නැවත තම පියා වෙත පැමිණ මෙසේ කීවේය. "එය ඉතා පැරණි වී හා අබලි වී ඇති නිසා උකස් සාප්පුව ඩොලර් 10 ක් ලබා දිය හැකියැයි කීවා."
ඉන්පසු පියා තම පුතාට කෞතුකාගාරයට ගොස් ඔරලෝසුව පෙන්වන ලෙස ඉල්ලා සිටියේය.
ඔහු කෞතුකාගාරයට ගොස් ආපසු පැමිණ තම පියාට පවසා සිටියේ මෙම ඉතා දුර්ලභ මෙන්ම පෞරාණික අත් ඔරලෝසුව ඔවුන්ගේ වටිනා පෞරාණික එකතුවට ඇතුළත් කිරීම සඳහා භාරකරු ඩොලර් 500,000 ක් ලබා දීමට එකඟ වූ බවයි.
අවසානයේ පියා කීවේ; “නිවැරදි ස්ථානය ඔබව නිවැරදි ආකාරයෙන් අගය කරන බව ඔබට දැනුම් දීමට මට අවශ්‍ය වුණා. ඔබ නුසුදුසු තැනක සිට කිසිවෙකු ඔබව අගය නොකරන්නේ නම් දුක් නොවන්න. ඔබේ වටිනාකම දන්නා අය ඔබව අගය කරයි. ඔබේ වටිනාකම කිසිවෙකු නොදකින තැනක කවදාවත් එක දිගට රැඳී නොසිටින්න.”