ඒකපාර්ශ්විය

නිලමේ ඇදුම ඇදලා ඔයාගේ පතිනියත් එක්ක ලස්සනට හිනා වීගෙන හෝල් එක වටේම ඇස් කරකවන ඔයා දිහාම මන් බලන් හිටියේ අවුරුදු ගානක් ඔයාට මම විතරක් ආදරේ කරපු මතක මතක් කරගෙන . හැම දේකින්ම ඉස්සරහට එනකොට එක දේකින් විතරක් එකම තැනක රැදිලා අදටත් දුක් වෙන්වා අයියේ .

අතීතයට ...

ඒ ලෙවල් රිවිශන් ක්ලාස් එක පටන් ගත්තා විතරයි . අම්මලාගේ ආසාව වගේම මගෙත් පුංචි කාලේ ඉදලම හීනේ උනේ ඩොක්ටර් කෙනෙක් වෙන්න . එලෙවල් පටන් ගත්ත දවසේ ඉදලම දුන්න හැමවැඩක්ම හරියටම කරේ මොන තරම් කට්ටක් කෑවත් ටික කාලෙකින් මගේම හීනෙට යන්න පුලුවන් නේද කියන ආසාව පෙරදැරිකරගෙන . මටම කියලා හොදම යාලුවෝ ටිකක් ක්ලාස් එකෙන්ම හමුවෙනකොට . ක්ලාස් එකේ ඉස්සරහම පේලි අපේ රාජ්‍ය උනා .

ඒත් එක දවසක ක්ලාස් එකෙ මන් ලග හිටපු කෙල්ල කොල්ලො ඉන්න දිහා හැරි හැරි බලන නිසා මාත් බැලුවා . දෙයියනේ කවුද දන්නෙ නැ මන් දිහා කන්න වගේ බලන් ඉන්නවා . පස්සෙයි මීටර් උනේ මේ කෙල්ල අර කොල්ලා දිහා බලන් ඉදලා එ කොල්ලා හිතලා තියෙන්නෙ මාත් ඒ කොල්ලට ලයින් කියලා .

ආය ඒ පැත්ත හැරෙන්න නැතුව ඉන්ටවල් වෙනකම් හිටියා උනත් අර කෙල්ල කොල්ලගේ ඉස්කෝලේත් හොයා ගෙන ඉවරයි වගේම එයා සෙකන්ඩ් ශයි අයියෙක් කියලත් හොයාගෙන .

ඇත්තම කිවෝත් එයාව දැක්කම මට මහ අමුත්තක් දැනෙනවා . එයා මගේ ලගින් යනකොට මගේ පපුව ගැහෙන්නේ බයකටද නැත්තම් වෙන මොකකටද කියලවත් මට හොයා ගන්න බැරි උනා .

ටික කාලයක් යනකොට එයා මගේ ඒකපාර්ශ්විය ආදරේ වෙනකොට මුලු හිතින්ම මන් එයාට ආදරේ කරන්න ගත්තා . කාටවත් කියන්නෙ නැ කියලා හිතන් උන්නත් යාලුවෝ ඉස්සරහ එයා ගැන තිබ්බ හැගිම මට නොකියා ඉන්න බැරි උනා . ඒත් එයාලා කිවේ " අපි බලමු බන් . අපිට ගිහින් ඒ අයියාගෙන් යාලුවෙන්න අහන්න බැනේ කියලා ." ඒක ඇත්ත මාත් පිලිගන්නවා .

ඉතිම් ඒ ලෙවල් කටමුලටම එන්කොටත් මන් ඒ අයියා ගැන හැම තොරතුරක්ම යාලුවෝ නිසාම හොයා ගත්තා .

ක්ලාස් එකෙ අන්තිම දවස වෙනකොට යාලුවෝ ගිහින් ඒ අයියට මන් ඉස්සරහම මන් එයාට ආදරේ කරනවා කියන එක කීවා . මන් හිතුවේ මගේ මූනවත් බලන්නෙ නැති වෙයි කියලා . අනේ ඒත් එයා එහෙම නොකර මගේ නම්බර් එකත් ඉල්ලගෙන මාත් එක්ක හිනාවෙලත් ගියේ. ඇත්තටම මේක මට හීනයක්

ඒලෙවල් ඉවර වෙනකම් ඒ අයියා මැසේජ් කරා වගේම එයා මට කිවේ හොදට එක්සෑම් කරගමු කියලා .

මන් බලාපොරොත්තු උනා එයත් මට ආදරේ කරන්න ගනියි කියලා . ඒත් ඇත්තටම එහෙම උනේ නැ . එක්සෑම් ඉවර වෙලා එයා ටිකෙන් ටික මැසේජ් නොකරනකොට කියාගන්න බැරි හැගීමක් දැනුනත් යාලුවෙක්ටම කියලා හිත හදාගන්න උත්සාහ කරේ ඒ අයියා දැනටමත් ප්‍රේමවන්තයෙක්දෝ යන්න හිත අනියත් බියකින් ගැහෙනකොට

ඒත් ඒ අයියාගේ ප්‍රතිචාරයට අනුව එයාට එදා ඉදලම තිබිලේ තියෙන්නෙ අනුකම්පාවක් .

එයා තර්ඩ් ශයි එකක් නොකෙරුවත් මන් සෙකන්ඩ් ශයි එකක් කරන්න ආපහු මහන්සි උනේ මේ පාර මගේ හීනෙට යන්න බැරිවෙදෝ කියලා . ඒත් රිසාල්ට් වලට අනුව අයියා මෙඩිසින් සිලෙක්ට් වෙලා වගේම මට ලකුනු අඩු නිසා මන් ආයෙත් මහන්සි උනේ මගේ හිනේට කිසිම බාධාවක් මන් විසින්ම හදගන්නේ නැ කියලා .

සෙකන්ඩ් ශයි එකෙන් මන් මෙඩිසින් සිලෙක්ට් වෙලා . මන් මගේ හීනේ පාර හදාගෙන . ඒත් ඒ වෙනකොටත් අයියා පන වගේ ආදරේ කරන අක්කියෙක් අයියගේ බැජ් එකෙන්ම අයියට හමුවෙලා .

ඉතිම් පරන මතක වලින් මන් මිදුනේ යාලුවෝ ටික මාව වටකරගෙන නිසා . කාට නොපෙන්නුවත් උන් දන්නවා මේ අවස්තාව දරාගෙන ඉන්නෙ පුලුවන් කමකට නෙවෙයි කියලා . ඒත් කවදාවත් අයියටවත් අක්කිටවත් මන් වෛර කරන්නෙ නැ . අයියා උනත් මට කිසිම බලාපොරොත්තුවක් දුන්නෙවත් නැ . අද වෙනකම් මගේ හීනෙට ශක්තියක් උනා මිසක .

අවසානයි 🌸

මගේම ජීවිතේ එක් පරිච්ඡේදයක් . සමහරතැන් මන‍ංකල්පිත උනත් අනාගතය ඒ මතම තියෙන්නත් පුලුවන් . සමහරවිට අයියත් මටම ආදරේ කරනවා වෙන්නත් පුලුවන් . ඒ කතා කරන ඇස් මගේම උනත් වෙන කාගේ උනත් ඒ දැනුන හෑගීමට මන් හුගක් ආදරෙයි .

කියන්න ගොඩක් තැන් තිබුනත් මතකයකට පමණක් සීමා වෙන එකට සමාවෙන්න කියලත් ඉල්ලනවා ...

මොනවාහරි කියාගෙන යන්න කියලා ආයාචනයකුත් කරන ගමන් මන් නවතින්නම් .....

✍

කෞශි