අමාවක - 20
Nethuli
අමාවක - 20
" හැපි බර්ත්ඩේයි.. " ශෙනාලි කීවේ විනෝද්ගේ කොපුලක් මත සිපුමක් තබා ය.
" මතකයි නෙහ් " විනෝද් කීවේ ශෙනාලිගේ කොපුල මත ද සිපුමක් තබා ය.
" සැලූන් එකෙන් එන්නේ කීයට ද ? "
" මන් දහයට අපොයිමන්ට් එක දැම්මේ.. "
" ම්ම්...තව වෙලා තියෙනවා නෙ. " විනෝද් කීවේ ශෙනාලි දුන් කෝපි කෝප්පය අතට ගනිමිනි.
💐❤️💐❤️💐❤️
" ශෙනූ..ඉවරයි ද ? " විනෝද් ඇහුවේ සෙරෙප්පු දාන ශෙනාලි දෙස බලා ය.
" ඔව් ඉවරයි..දෝණිගේ බෝතලේට වතුර එකක් ගන්නකෝ විනෝද්. " ශෙනාලි කීවේ බෑගය අතට ගනිමිනි.
" ඇයි ඔය දෙක දාන්නේ..අර ගත්ත එක හොඳයි නෙ. "
" ඒකේ හීල් එක වැඩියිනෙ. " ශෙනාලි කීවේ විනෝද්ගෙන් දෑස් සඟවමිනි.
💐❤️💐❤️💐❤️
" විනෝද්... "
" ම්ම්.. "
" බර්ත්ඩේ ගිෆ්ට් එකක් එපා ද ? "
" ගත්ත ද මොනාහරි "
" හ්ම් ඔව්. "
" එහෙනම් දෙන්න. " විනෝද් කියද්දී ශෙනාලි සිනා වී ජනේලෙන් ඉවත බලා ගත්තා.
💐❤️💐❤️💐❤️
" ශෙනූ..දෝණි එක්ක මෙතන ඉන්න.ඊළඟට අපේ නෝනිමේට් එක තියෙන්නේ " විනෝද් කීවේ උන් තැනින් නැඟිටගෙන යි.
" ඕල් ද බෙස්ට් විනෝද් " ශෙනාලි කීවේ දිළිසෙන දෑසිනි.
ශෙනාලිගේ සුභ පැතුම ද සිතේ දරාගෙන විනෝද් වේදිකාව වෙත ගියේ ඔහුගේ නම නෝනිමේට් වෙද්දී යි.
මේ ඩුබායි හි පැවැත්වෙන වාර්ෂික සම්මාන ප්‍රදානෝත්සවය කි. එහි නැඟී එන ව්‍යවසායකයා යන නාමය වෙත විනෝද්ගේ නාමය ද එක් වී තිබුනා.
වේදිකාව මත උන්නේ නාම නිර්දේශ වූ ව්‍යවසායකයන් දහ දෙනා යි. ඒ අතර විනෝද් ද උන්නා.
" වසරේ නැඟී එන ව්‍යවසායකත්වයට හිමි සම්මානය දිනාගනු ලබන්නේ...විනෝද් මෙත්මාල්.. " විනෝද්ගේ නාමය නිවේදිකාවගේ මුවින් පිටත් වෙද්දී ශෙනාලිගේ මුවේ සිනාවක් මැවුනේ දියණිය ද සිනා වෙද්දියි.
විනෝද් උන්නේ බලාපොරොත්තු පිරි මුහුණෙනි.
වසරවල් ගණනාවක් වෘත්තියෙන් රංගනයට දායක වූ ඔහු අද සාර්ථක ව්‍යවසායකයෙකි.
💐❤️💐❤️💐❤️
" ගිෆ්ට් එකක් දෙන්න තියෙනවා. " ශෙනාලි කියද්දී ඇගේ දෑස් දිදුළනවා විනෝද් දුටුවා.
" මේ දුන්න ගිෆ්ට්ස් ඇති ශෙනූ.. " විනෝද් කීවේ ඇගේ කොපුලක් සිපගෙන ය.
" අනේ...එපා ද එතකොට ඒක " ශෙනාලි මූණ බෙරි කරගෙන අහද්දී විනෝද් සිනා සුනා.
" දෙන්නකෝ.. " ඔහු කීවේ දෑස් නටවමිනි.
" එහෙනම් ඇස් දෙක වහගන්න. " ශෙනාලි කියද්දී විනෝද් දෑස් පියාගත්තා.
මෙතරම් දිනක් විනෝද් වෙනුවෙන් තබාගත් ඒ තෑග්ග ශෙනාලිගේ දෑතෙහි වුනා.
එම පොට්ටනිය විනෝද් අත තැබුවේ ඔහු දෑස් හැර එය දෙස බැලුවේ පුදුමෙනි.
" මේ මොකක් ද ? " විනෝද් ඇසුවේ එය දිග හරිමිනි.
එහි වූයේ කුඩා දරුවෙකුගේ මේස් කුට්ටමක් හා කොළයකි.
ඒ කොළය කියවූ විනෝද්ගේ මුව සිනාවෙන් පිරෙද්දී ඔහු ඇයව වැළඳ ගත්තා.
" New baby coming soon.. " එහි වූයේ එය යි.
" කවද්ද දැනගත්තේ ? "
" පෙරේදා..ඊටපස්සේ චෙක් කරගත්තා. " ශෙනාලි කියද්දී විනෝද් ඇගේ නළලත දෙතොල් තැවරුවේ කළුවර අහස දෙස බලා ගෙන යි.
එහෙත් ඒ කළුවර නසාලන්න අද හඳ තිබුනා.
ඉතින් තම දිවිය එළි කරන්න පැමිණි ශෙනාලිව ද විනෝද්ට පෙනුනේ අඳුර නසන්නට ආ සඳක් ලෙසිනි.
💐❤️💐❤️💐❤️
කමෙන්ට් එකක් දාගෙන යන්න.
අමාවක කියන්නේ ආරම්භයේ ඉඳන් ම කතාව දිගට දෙන්න බැරි වුන කතාවක්. වැඩ අස්සෙත් ලියන්න හිතුන නිසා ලිව්වත් වෙලාවේ ගැටලුවක් ඇති වුනා.
ඒකයි ගොඩක් ම දුරට කතාව ටයිප් කරන්න වෙලා නැති වුනේ.
ඉතින් රැඳී සිටියාට ස්තූතියි...❤️🥰
අලුත් කතාවකින් හමුවෙමු.ඒත් ළඟදි ම නෙවේ..නව මාස කිහිපයකින්.
හැමෝට ම ගොඩක් ස්තූතියි
✍ නෙතූ