تفاصيل سلسلة الربح من الانترنت

كلكم تعرفون سلسلة شروحات التليجرام يلي تاسست القناة بفضل الله وفضلها 👍👀 والحمدلله اكثر من 150 شرح بالفيديو داخل القناة باليوتيوب نعالج ونحل هواي مشاكل متعلقة بالتليجرام بالاضافة الى بوت المساعدة وقناة التليجرام هذه وحته الموقع الالكتروني ✅

جاي افكر اسويلكم سلسلة شروحات جديدة 🆕 بس هاي السلسلة مانبلش بيها هسة لان اني طالب جامعي مرحلة اخيرة وهواي دراسة عندي حاليا. ادعولي 😞 ... بس حبيت اوضحلكم الفكرة 😌 وهي كالاتي:

🤐 السلسلة الجديدة يلي افكر اسويها هي سلسلة شروحات الربح من الانترنت. 🤑 عن تجربة صراحة وارباح خير من الله. ويلي يكلك الانترنت مابي فلوس كله سد حلكك وتوكل بالله 😅

وهاي الاثباتات

بس السلسلة راح تتقسم الى اقسام فرعية. شلون يعني ? 👇

السلسلة راح تتقسم الى اقسام فرعية وكل قائمة راح تنفصل وحدها ونظيفها داخل قائمة تشغيل مخصصة داخل يوتيوب 🤗

الاقسام الفرعية راح تتضمن الاتي:

1- انشاء قناة يوتيوب والربح منها 🔽

نسوي قناة يوتيوب بمحتوى معين ونوصلها 1000 مشترك وعدد مشاهدات بالساعات يلي تطلبه يوتيوب حته نفعل الارباح 💹 وراح اساعدكم حته توصلون 1000 مشترك بالقناة التابعة الكم لكن بشروط محددة نضعها لكم لاحقاً.

2- انشاء موقع من مدونة Blogger وطريقة ربطها بدومين اساسي من كوكل ونفعل الارباح بيها من اكثر من مصدر. يعني نفس الموقع العندي بالضبط. 😎

3- انشاء موقع لـتقصير الروابط خاص بك فقط وربح المال من خلال الزيارات للموقع.🤑 مثل موقعي

4- انشاء تطبيقات الموبايل والالعاب بدون الحاجة لتعلم البرمجة وبأستخدام الموبايل فقط وربح المال من خلالهن. 🤝

5- الاشتراك بمواقع مميزة للربح المالي مثل مواقع رفع الملفات واختصار الروابط ومواقع اخرى سيتم ذكرها لاحقاً 😌

6- الاشتراك وتفعيل بعض الحسابات البنكية الالكترونية مثل بايونر وبايبال وغيرها حته تستقبل الارباح عليهن. 😋

7- شرح مفصل لطريقة فتح حساب بنكي داخل المصارف بالبلد الذي تسكن فيه وطلب رموز مخصصة من البنك من اجل استلام الحوالات المالية من الخارج الى حسابك الخاص. 🤩

هذا كل يلي كاعد افكر اسوي وانشره الكم 👆 لكن حاليا ماكدر ابلش بيهن لان كتلكم طالب جامعي مرحلة اخيرة ومشغول بالامتحان 💔 وكذلك الدعم بقناتي على اليوتيوب ضعيف بس اشوف اكو دعم وتفاعل وزيادة بالمشتركين راح ابلش ان شاء الله.

شنو يلي تحتاجة حته تكدر تبلش وياي بخطوات ربح المال ؟ 🤔

1- جهاز موبايل يفضل يكون نظامه اندرويد او جهاز كمبيوتر pc.

2- انترنت. وهذا متوفر عند الكل اكيد.

فقط هاي الشغلتين اريدهن منك والارباح عوفها عليه اني اعلمك تجيبها. 👍😎

كما يجدر الاشارة ان سلسلة شروحات التليجرام مازالت مستمرة كوننا احد اعضاء الدعم التطوعي 🌺

تابعنا على التليجرام