Օլիգարխիան՝ Արցախի անկման գլխավոր պատճառներից մեկը

Արցախի Հանրապետության անկման հիմնական պատճառը օլիգարխիան և բուրժուազիան է: Գաղտնիք չէ, թե ինչպիսի հսկայական գումարներ էին ՙպտտվում՚ Արցախում: Եվ գաղտնիք չէ, թե ովքեր էին կանգնած այդ գումարային գործընթացների հետևում: Պայքարող հայերը Արցախում շատ էին, բայց նրանց կարողացավ կոտրել տեղի բուրժուազիան: Երբ արցախահայությունը պետք է համախմբվեր, տեղի խոշոր և միջին բուրժուազիան ամեն ինչ անում էր պառակտում տարածելու և դրա հաշվին ավել գումարներ աշխատելու համար:

Խոշոր և միջին բուրժուազիան նպաստեց արցախահայության Արցախից դուրս գալու գործընթացին, խափելով և վախեցնելով արցախահայությանը: Երբ արցախահայությունը պայքարում էր, Արցախի ներկա և նախկին նախագահները իրենց միլիոնավոր դրամներն էին ծախսում Արցախից դուրս, բիզնեսներ հիմնելով և շքեղ տներ կառուցելով: Արցախի նախագահները ռուսական ԱԴԾ և ԳՀՎ, այսինքն Կրեմլի գործակալներ են: Նրանք աշխատում էին և շաուրնակում են Ռուսաստանի Դաշնության և Ռուսաստանի Դաշնության իմպերիալիստական գաղափարների օգտին աշխատել, երբ որ նրանք պետք է աշխատեին արցախահայության օգտին: Նրանք պառակտում էին մտցնում Արցախահայության մեջ, 44 օրյա պատերազմից հետո պնդելով որ՝

Հայաստանն ու հայն են հանձնել Արցախը, իսկ ռուս խաղաղապահը և Պուտինը եկան և փրկեցին մեզ:

Գարեգին Նժդեհը լավ խոսք ունի հայ կապիտալիստների մասին, որը շատ լավ է նկարագրում ոչ միայն հայ, այլ նաև կապիտալիստներին: Այդ խոսքերը հետևայլն են՝

Իսկ հայ կապիտալիստնե՞րը. արժե խոսել սրանց մասին։ Չէ՞ որ սրանք ազգ չունեն, հայրենիք չեն ճանաչում։ Չէ՞ որ սրանց սրբազան հայրենիքը շահաշատ շուկան և մեծածախս հաճոյավճարներն են։ Սրանք դուրս են ապրում ազգերից ու մարդկությունից։ Պարտականություններ չունեն սրանք։ Մարդ չեն սրանք։

Ա՜հ, այդ «վատ սրտի ու լավ ստամոքսի» տերերը. իրենց նյութական բավականությունների համար աշխատող ազնիվ անասունի արժեք իսկ չունեն։

Տմարդի’ արարածներ, որոնց մասին ասել է մի գրող. «Զա’րկ կրծքին, դատարկ ձայն կտա:

Պետք է ընդունենք, որը կապիտալիզմը ազգեր է կործանում, և այս պահին զբաղված է մեր ազգի կործանումով: Եվ այդ է պատճառը, որ հայ ազգը պետք է ընդունի Նժդեհի ուսմունքը, ազգային-հեղափոխական գաղափարը և սոցիալիզմը, և սկսի իր պայքարը կապիտալիզմի և կապիտալիզմի գործիքների դեմ:

09.12.23, ՓՈԹՈՐԻԿ