ҲУМОЮН (Фарғона)
https://t.me/vaqt_manzili* * *
Тун. Қайдадир
нимадир чархланаётир,
Зулумотга қарши порлар
юлдузлар.
Сен мени излайсан кулгулар отиб,
Мен эса кетяпман озодлик излаб...
Дейсанки: “Ёлғизмиз,
кўнгилни ечинг”,
Маҳзун кўзларимга
шодон боқарсан...
Севгилим, сўзлагин, дунёда нечун
Озодлик излаган одамлар сарсон?
Бу кеча илк марта
қолармиз ожиз,
Сездингми, бу кеча
кўзларинг тонган.
На қола оламиз тун билан ёлғиз,
На кета оламиз эргашиб тонгга...