ҲОКИМ ШОҲРУХ ШОАҲМЕДОВНИНГ ЯНГИ ЙИЛ БАЙРАМИ МУНОСАБАТИ БИЛАН ТУМАНИМИЗ АҲОЛИСИГА ЙЎЛЛАГАН ТАБРИГИ

Азиз ва муҳтарам тумандошлар!

Сўзим аввалида сиз азизларни, мўътабар нуронийларни, меҳрибон опа-сингилларимизни, азм-у шижоатли ёшларимизни самимий табриклайман. Барчангизга сиҳат-саломатлик, тинчлик-хотиржамлик, бахт-у саодат ва фаровонлик тилайман.

Поёнига етган йил шукрки,туманимизда ҳар томонлама омадли ва баракали йил бўлди.

Жумладан, туманимизнинг қарийб ички ва умумфойдаланувидаги 135 км. йўллар асфальтлаштирилиб, 7.6 км. пиёдалар юриш йўллари барпо этилиб, 32.8 км. йўлларда шағаллаштириш ишлари амалга оширилди. Шунингдек, 10,2 км. ичимлик сув тармоқлари тортилди, 8 та сув иншооти таъмирланиб, 15 та сув насоси янгиланди ҳамда 200 дан ортиқ эскирган сим ёғочлари ва 8 км. тармоқ СИП кабелларга алмаштирилди.

Шунингдек, 1,- 4-, 55-,57,-мактабларига замонавий спорт майдончалари, 13-мактабга спорт зали қурилди. Оқтепа, Қирғизовул, Самсарак маҳаллаларида 3 та янги мактабгача таълим ташкилотлари қуриб битказилди. 

Оқтепа оилавий шифокорлик пунктлари мукаммал таъмирдан чиқарилиб, замонавий тиббиёт жиҳозлари билан таъминланди.

Ортда қолаётган 2023 йилнинг ўзида қайирйб, 85,3 км. сув тармоқлари тортилиб, 28 та сув иншоотида қурилиш, реконструкция ва таъмирлаш ишлари амалга оширилди. Яна 1000 га яқин электр таянч устунлари янгисига алмаштирилиб, 32 км. дан ортиқ электр кабеллари таъмирланди.

Қизилтоғда 2022-2023 йилларда 56-мактаб реконструкция қилинди ҳамда 55-мактабнинг канализация тизими таъмирланиб, электрон доскалар билан жиҳозланди. 

Бундан ташқари, 57-мактаб таъмирланиб, янги футбол майдони қурилди. Ўзбекистон футбол ассоциациясига қарашли футбол ўйингоҳи таъмирланиб, ётоқхона биноси қурилди. Шаҳарчадаги шифохонанинг моддий-техника базаси яхшиланди.

Ҳудудда 1 та воркаут ва стритбол, 1 та универсал спорт майдонлари қуриб битказилди. 

“Чотқол маданият” маркази капитал таъмирдан чиқарилиб, чолғу асбоб-ускуналари билан таъминланди.

Қизилтоғ шаҳарчаси 4-касбийлашган ёнғин қутқарув қисми капитал таъмирланиб, қўшимча бино қурилиб, битта ўт ўчириш автотранспорт воситаси ажратилди.

Ҳудуддаги истироҳат боғи замонавий кўринишга келтирилиб, 23 та кўп қаватли уй-жойни фасад қисми 9 та уйнинг том қисми 92 та кириш йўлаги таъмирланди.

Азиз тумандошларим!

Туманимизда 2023 ҳисобида “Ёшлар дафтари”га йил бошидан 2 минг 845 нафар ёшлар киритилган бўлиб, улардан 2 минг 703 нафарига турли кўринишда моддий ёрдам берилди.

Бундан ташқари, Беш ташаббуси олимпиадаси доирасидаги танлов ва мусобақаларда 500 дан ортиқ ёшларни қимматбаҳо совғалар билан тақдирладик. Бундан ташқари, 2023 йилда “Саховат ва кўмак” жамғармасидан 1 минг 198 нафар фуқарога моддий ёрдам кўрсатдик. Бунда “Темир дафтар”даги 173 нафар фуқарога соғлигини тиклашга, 124 нафар эҳтиёжманд оилага моддий ёрдам ажратдик.

“Аёллар дафтари”га киритилган оғир шароитдаги 1 минг 63 хотин-қизга моддий ёрдам кўрсатилди. Шунингдек, тоифаларга киритилган жами 30 нафар аёлга уй-жой таъмири учун белгиланган тартибда қурилиш молларини олиб бердик.

Ҳурматли дўстлар!

Шу ўринда яна бир муҳим ютуқларимизни таъкидлаб ўтиш ўринли бўларди. Президентимиз ташаббуси билан туманимизда ўтказилган халқаро “Узум сайли” фестивали дунё нигоҳини Паркент томон бурди. Икки кун давом этган сайлда Корея, Сингапур, Белорус, Грузия, Озарбайжон каби 30 дан ортиқ давлатларнинг виночилик соҳасида йирик ва етакчи компаниялари вакиллари ҳам иштирок этган фестивалда жами мамлакатимиз вакиллари виночилик соҳасида йирик ва етакчи компаниялари билан 35 млн. долларлик шартномалар ва битимларни имзолашга эришишди.

Юксак марраларни қўлга киритганларимиз ҳақида гапирганда 2023 йилда Паркент туманида кўрсатилган хизматлар ҳажми 1,3 трлн. сўмга етиб, бу 2022 йилга нисбатан ўсиш суръати 113,5 фоизни ташкил этганлигини тилга олиш жоиз. Шунингдек, туманда саноат маҳсулотлари ишлаб чиқарилиши 600,5 млрд. сўмга етиб, туманнинг ташқи савдо айланмаси ҳажми 49,7 млн. АҚШ доллари бўлди.

Туманимизда 2023 йилда ҳудудий инвестиция дастури доирасида саноат, қишлоқ хўжалиги, хизмат кўрсатиш соҳаларида умумий қиймати 166 млрд. 671 млн. сўмлик 29 та лойиҳа амалга оширилиши натижасида 627 та янги иш ўрни яратилди.

Бундан ташқари, қўшимча лойиҳалар ҳисобидан умумий қиймати 8 млрд. 179 млн. сўмлик 4 та лойиҳани амалга оширилиши натижасида 59 та янги иш ўрни яратилди.

Сўзимни якунлар эканман, фурсатдан фойдаланиб, Янги йилда ҳам туманимиздаги мана шундай беқиёс бунёдкорлик давом этаверсин, саодатли кунлар ҳеч биримизни тарк этмасин. Юртимиз осмони доимо мусаффо, туманимиз тараққиёти ҳамиша бардавом бўлсин.

Янги йил ҳар бирингизнинг хонадонингизга файз-у барака, хотиржамлик, бахтли ва фаровон ҳаёт олиб келсин. Барчангизга дунёдаги энг катта бахт – фарзандлар, набиралар бахт-у камолини кўриш насиб этсин!

Яна бир бор Янги йилингиз муборак бўлсин, азиз тумандошлар!

Янги йил барчамизга қутлуғ келсин!