Қимматли қоғозлар бозорида маълум бир профессионал иштирокчиларнинг лицензиялари бекор қилинди
MoliyaPressМолия вазирлиги Капитал бозорини ривожлантириш департаменти томонидан “GRADIENT” МЧЖ, “ANDIJON VAQT” МЧЖ ,“SHAMS-INVEST” МЧЖ, “FAYZ-REESTR” МЧЖ, “CONSULTING SOLUTIONS GROUP” МЧЖ ва “ALPENFORT CAPITAL” МЧЖларнинг қимматли қоғозлар бозорида инвестиция активларининг ишончли бошқарувчиси ҳамда инвестиция воситачиси сифатида профессионал фаолиятни амалга ошириш хуқуқини берувчи лицензияларни бекор қилишни назарда тутувчи аризалари ўрнатилган тартибда кўриб чиқилиб қуйидагилар маълум қилинади.
Ўзбекистон Республикасининг “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуннинг 14-моддасига асосан лицензияларнинг амал қилишини бекор қилиш қимматли қоғозлар бозорини тартибга солиш бўйича ваколатли давлат органнинг ваколатларидан бири ҳисобланади.
Шунингдек, мазкур қонуннинг 33-моддасига асосан, лицензиат лицензияни бекор қилиш тўғрисида ариза билан мурожаат қилганда ваколатли органнинг тегишли қарорига биноан лицензия бекор қилиниши белгиланган.
Шу муносабат билан, Молия вазирлигининг тегишли қарорига асосан қуйидаги қимматли қоғозлар бозорининг профессионал иштирокчиларининг инвестиция активларининг ишончли бошқарувчиси ва инвестиция воситачиси сифатида берилган лицензиялари ва лицензия битимлари бекор қилинганлигини маълум қиламиз:
“GRADIENT” МЧЖнинг 2020 йил 12 июндаги 1404-сонли инвестиция активларининг ишончли бошқарувчиси сифатида берилган лицензия ва 2020 йил 12 июндаги 07-23/34-сонли лицензия битими;
“ANDIJON VAQT” МЧЖнинг 2012 йил 22 июндаги 1232-сонли инвестиция активларининг ишончли бошқарувчиси сифатида берилган лицензия ва 2012 йил 22 июндаги 05-007/837-сонли лицензия битими;
“FAYZ-REESTR” МЧЖнинг 2015 йил 4 декабрдаги 1284-сонли инвестиция активларининг ишончли бошқарувчиси сифатида берилган лицензия ва 2015 йил 4 декабрдаги 05-007/975-сонли лицензия битими;
“CONSULTING SOLUTIONS GROUP” МЧЖнинг 2020 йил 9 сентябрдаги 1410-сонли инвестиция активларининг ишончли бошқарувчиси сифатида берилган лицензия ва 2020 йил 9 сентябрдаги 07-29/38-сонли лицензия битими;
“SHAMS INVEST” МЧЖнинг 2014 йил 6 мартдаги 692-сонли инвестиция воситачиси сифатида берилган лицензия ва 2014 йил 6 мартдаги 05-001/932-сонли лицензия битими;
“ALPENFORT CAPITAL” МЧЖнинг 2020 йил 25 сентябрдаги 1412-сонли инвестиция воситачиси ва 1413-сонли инвестиция активларининг ишончли бошқарувчиси сифатида берилган лицензиялари ҳамда 2018 йил 25 майдаги 05-001/1005-сонли ва 2020 йил 24 сентябрдаги 07-31/32/40-сонли лицензия шартномалари.
Молия вазирлиги
Ахборот хизмати