Қайси бизнес тури сарфланган харажатларни тез қоплашини биласизми?
Ўзбек-Хитой Савдо Уйи
Бугунги кунда машиналарга хизмат кўрсатиш соҳаси бизнеснинг энг даромадли турларидан бири ҳисобланади. Боз устига, шаҳарларимиз кўчаларидаги автомобиллар сони йилдан-йилга ортиб бормоқда. Ҳар қандай автомобиль эгаси ўз машинасининг тозалиги ва созлигига жиддий эътибор қаратишга ҳаракат қилади. Шунинг учун автомобиль ювиш бизнесига талаб кутилганидан юқори.
Бунда, асосан, машина ювишга доир иккита йўналиш анча даромадли саналади. Биринчи йўналишга юқори иш қуввати ва минимал хизматлар ассортиментига эга автомобиль ювиш шахобчаси киради. Бундай ювиш шахобчалари ҳаракат гавжум бўлган автомобиль йўлларида максимал даромад келтиради ва ўз вақтини қадрлайдиган мижозларга мўлжалланган бўлади. Бу каби ювиш шахобчаларида битта автомобилга хизмат кўрсатиш вақти ўртача 10-15 дақиқадан ортмаслиги керак. Бу ерга фақат автоматик тартибда ишлайдиган - портал ёки туннел шаклидаги бир соатда 12-100 та машинага хизмат кўрсатадиган ювиш механизмларини ўрнатиш талаб этилади. Қўл меҳнатига эҳтиёж эса минимал даражада бўлади. Бундай турдаги шахобчаларда меҳнат ҳақига кетадиган харажатлар ҳам камроқ бўлади.
Иккинчи, муқобил йўналишга эса нисбатан камроқ ишлаб чиқариш қувватига эга бўлган юқори сифат ва кўплаб хизмат турларини тақдим қиладиган ювиш шахобчаларини мисол қилиш мумкин. Улар двигателни ювиш, салонни кимё билан тозалаш, кузовни силлиқлаш, салонни текислаш ва силлиқлаш, шиналарни қорайтириш (шу жумладан машинани сотишга тайёрлаш) ва бошқа хизматларни кўрсатадилар. Бундай шахобчаларда қўлда бошқариладиган ускуналардан фойдаланилади: олдин қўлда ишлайдиган аппарат ёрдамида кузов юзаси авразивдан тозаланади, шундан кейин юмшоқ материал билан артилади, охирида қуруқ мато билан қуритилади. Ушбу жараёнда иш сифати уста томонидан назорат қилинади. Албатта, бундай турдаги машина ювиш шахобчаларида ҳордиқ ва мижозлар вақтини мазмунли ўтказишга мўлжалланган алоҳида бинолар ҳам кўзда тутилиши зарур. Масалан, бунга қаҳвахона, ўйин автоматлари ёки бошқа вақт ўтказиш масканларини мисол сифатида айтиб ўтиш мумкин. Қолгани сизнинг тасаввурингизга боғлиқ.
Қандай вариантни танласам экан, деб ўйланиб қолдингизми? Ёки қаердан ускуна харид қилишни билмаяпсизми? Хавотир олманг, бу масалада биз сизга ёрдам берамиз. Биз билан боғланинг: +998 71 207-33-77
