ҚАНДАЙ ҚИЛИБ МУВАФФАҚИЯТГА ЭРИШИШИНГИЗ МУМКИН
@nunnashr
Муҳим шахс бўлиш учун сиздан мудир бўлиш талаб этилмайди ёки буюк шахс бўлиш учун лидер ёки раис бўлишингиз ҳам шарт эмас. Лекин сиз ишингиз, таълим йўналишингиз, касбингиз қандай бўлишидан қатъи назар, юқоридагиларнинг бари бўлишингиз мумкин. Порлаб турган қуёш бўлиш қўлингиздан келмаётган бўлса, осмондаги бир юлдуз бўлинг. Агарда китоб ёзиш қўлингиздан келмаса, лаёқатли нотиқ бўлинг, одамлар бир қарашингизнинг ўзида сиздан қониқиш ҳосил қилсин. Орзуингиздаги киши бўлишни эплай олмадингизми, у ҳолда нима иш билан шуғулланаётган бўлсангиз, ана ўшани пухта бажаринг. Бу ўринда сизнинг вазифангиз лавозимингизнинг қандай эканлиги эмас, аксинча, сиз тақдим қилаётган маҳсулда. Ўзингиз эгаллаб турган ўринда энг афзал инсон бўлинг!
Кўзлаган мақсадингизга эриша олмаганингиз, бу мағлубият эмас, лекин ҳаракатдан тўхтаб қолганингиз ҳақиқий мағлубиятдир. Мағлубиятни кутманг. Ғалаба уни икки қошининг ўртасига тик қадаб, мақсад қилганларга насиб этади. Атрофингиздаги барча нарсалар сизни ноумидликка чорласа ҳам, ҳеч қачон умидсизланманг! Унутманг, ҳамма нарса Аллоҳнинг иродаси билан бўлади, Аллоҳ таоло ҳамма нарсага қодир! Ноумид бўлманг!
Ҳикоят. Бир йигит шундай ҳикоя қилади: “Мен автоҳалокат сабаб икки оёғимдан айрилдим. Тушкунлик сари юзланиб чуқур қайғуга ботдим. Дунё кўзимга қоронғу бўлиб кетди. Қисмат мен учун яна нималар тайёрлаб қўйганини билмасдим. Энди ҳаётда қандай яшайман, нима иш қиламан? Қандай қилиб оила қураман?.. Лекин, Аллоҳга бўлган ишончим сабаб иймоним заифлашмади. Муҳаммад ибн Абу Бакрнинг: “Бир киши тоғнинг қаршисида туриб тоғни толқон қилиш ниятида бўлса, Аллоҳнинг изни ва тинмай ҳаракат қилиш орқали, албатта, тоғни толқон қилади” деган сўзини эсга олдим.
Мен қатъий бўлишга ва бошқалар қила олмаган ишларни уддалашга қарор қилдим. Мен юра олмасам-да, Аллоҳнинг ризосига етказадиган иш қилиш илинжида эдим. Компьютер ўрганишга қаттиқ киришдим. Шу орқали “Алоқа инженерлиги” имтиёзли дипломини қўлга киритдим. Бир фирманинг раҳбарига айландим. Барчага бу ишларимнинг бари Аллоҳ таолонинг кўмаги ва мақсад сари қилинган тинмай ҳаракатларимнинг натижаси эканини айтаман. Шукрки, Аллоҳнинг фазлу карами ила кўзлаган мақсадларим ва марраларимга эриша олдим”.
Қалбингиз эшигини мақсадлар сари очинг! Олдингизга қўяётган мақсадингиз ҳаётга бўлган қизиқишингизни уйғотади. Ҳаётга қизиқиш уйғонса, орзуларингиз рўёбга чиқа бошлайди. Орзулар амалга ошгани сайин муваффақиятларга эришиб борасиз...
©️Ҳассон Шамсий Пошонинг
📖 "Жаннат бўстонидаги оилавий оқшомлар" китобидан