Ўзкомназорат: кучли шамол оқибатида юзага келган муаммолар бартараф этилмоқда

Республиканинг айрим ҳудудларида кучли шамол бўлиб, об-ҳаво шароитининг ёмонлашуви кузатилгани туфайли электр таъминотида узилишлар, телекоммуникация тармоқларининг узилиши, мобиль алоқа таянч ва антенна-мачта иншоотларига шикаст етиши каби ҳолатлар кузатилмоқда.

Хусусан, Бухоро вилоятида “Ўзбектелеком” АК “Ўзмобайл” филиали, “Unitel” МЧЖ “Жанубий-Ғарбий” филиали, “UMS” МЧЖ Бухоро вилояти марказий бўлими ва “RWС” МЧЖ ХКнинг Бухоро вилояти ҳудудий филиалига қарашли антенна мачта қурилмалари шамол оқибатида қулаб тушган.

Бир қанча жойларда дарахтлар ва сим ёғочлар қулаши оқибатида оптик толали кабелларда узилишлар содир бўлган. “Ўзбектелеком” АК “Ўзмобайл” филиалининг Бухоро ҳудудий боғламаси, “Unitel” МЧЖ “Жанубий-Ғарбий” филиали, “Ucell-Buxoro” Минтақавий бўлими, “UMS” МЧЖ Бухоро вилояти марказий бўлими ҳамда “RWС” МЧЖ ХКнинг Бухоро вилояти ҳудудий филиалига қарашли таянч станцияларида электр таъминоти йўқлиги туфайли хизмат кўрсатишда узилишлар кузатилмоқда. 

Самарқанд вилоятида “Ўзбектелеком” АК “Ўзмобайл” филиали Самарқанд ҳудудий боғламаси, “Unitel” МЧЖ Марказий ҳудудий филиали, “Сoscom” МЧЖ ҳамда “UMS” МЧЖнинг таянч станцияларида электр таъминоти ўчиб қолгани сабабли абонентларга хизмат кўрсатишда узилишлар кузатилмоқда.

Айни вақтда авариялар оқибатини бартараф этиш юзасидан тегишли оператор ва провайдерлдар томонидан авария-тиклаш ишлари олиб борилмоқда.

“Ўзкомназорат” ДИ фойдаланувчиларни республика гидрометереология марказининг хабари бўйича Ўзбекистоннинг айрим ҳудудларида юқорида қайд этилган об-ҳаво шароитлари кузатилиши туфайли алоқа хизматларини кўрсатишда тўхталиш ва узилишлар кузатилиши мумкинлигини маълум қилади.
____

O‘zkomnazorat: kuchli shamol oqibatida yuzaga kelgan muammolar bartaraf etilmoqda
Respublikaning ayrim hududlarida kuchli shamol bo‘lib, ob-havo sharoitining yomonlashuvi kuzatilgani tufayli elektr taʼminotida uzilishlar, telekommunikatsiya tarmoqlarining uzilishi, mobil aloqa tayanch va antenna-machta inshootlariga shikast yetishi kabi holatlar kuzatilmoqda.

Xususan, Buxoro viloyatida “O‘zbektelekom” AK “O‘zmobayl” filiali, “Unitel” MCHJ “Janubiy-G‘arbiy” filiali, “UMS” MCHJ Buxoro viloyati markaziy bo‘limi va “RWS” MCHJ XKning Buxoro viloyati hududiy filialiga qarashli antenna machta qurilmalari shamol oqibatida qulab tushgan.

Bir qancha joylarda daraxtlar va sim yog‘ochlar qulashi oqibatida optik tolali kabellarda uzilishlar sodir bo‘lgan. “O‘zbektelekom” AK “O‘zmobayl” filialining Buxoro hududiy bog‘lamasi, “Unitel” MChJ “Janubiy-G‘arbiy” filiali, “Ucell-Buxoro” Mintaqaviy bo‘limi, “UMS” MChJ Buxoro viloyati markaziy bo‘limi hamda “RWS” MCHJ XKning Buxoro viloyati hududiy filialiga qarashli tayanch stansiyalarida elektr taʼminoti yo‘qligi tufayli xizmat ko‘rsatishda uzilishlar kuzatilmoqda. 

Samarqand viloyatida “O‘zbektelekom” AK “O‘zmobayl” filiali Samarqand hududiy bog‘lamasi, “Unitel” MChJ Markaziy hududiy filiali, “Coscom” MChJ hamda “UMS” MChJning tayanch stansiyalarida elektr taʼminoti o‘chib qolgani sababli abonentlarga xizmat ko‘rsatishda uzilishlar kuzatilmoqda.

Ayni vaqtda avariyalar oqibatini bartaraf etish yuzasidan tegishli operator va provayderldar tomonidan avariya-tiklash ishlari olib borilmoqda.

“O‘zkomnazorat” DI foydalanuvchilarni respublika gidrometereologiya markazining xabari bo‘yicha O‘zbekistonning ayrim hududlarida yuqorida qayd etilgan ob-havo sharoitlari kuzatilishi tufayli aloqa xizmatlarini ko‘rsatishda to‘xtalish va uzilishlar kuzatilishi mumkinligini maʼlum qiladi.