Ўзбекистон Экологик партияси ва «MEGAWATT MOTORS» МЧЖ ўртасида ҳамкорлик меморандуми имзоланди
O'zbekiston Ekologik partiyasi Toshkent shahar partiya tashkiloti
Юртимиз атмосфераси мусаффолигини таъминлаш, хусусан автомобиллардан чиқаётган захарли газларни камайтириш, муқобил экологик тоза транспорт воситаларини кўпайтиришни қўллаб-қувватлаш Ўзбекистон Экологик партиясининг бугунги кундаги долзарб вазифаларидан бири саналади.
Шу нуқтаи назардан, жорий йилнинг 23 апрель куни Ўзбекистон Экологик партияси раҳбарияти ва сўнги йилларда аҳолига электромобиль воситаларини етказиб бериш соҳасида муваффақиятли фаолият олиб бораётган «MEGAWATT MOTORS» масъулияти чекланган жамият вакиллари билан учрашув бўлиб ўтди.
Учрашувда «MEGAWATT MOTORS» МЧЖ нинг таъсисчиси Улуғбек Хожамбердиев корхона иш фаолияти билан таништирди. Унинг маълумотига кўра, электромобиль стартапига ихтисослашган ташкилот ҳозирда барқарор даромадга эга бўлган автодиллерлик бизнес корхонасига айланган.
У.Хожамбердиевнинг таъкидлашича, электромобиллар – бу келажак транспорти бўлиб, тежамкор, экологик тоза ва жуда қулай восита саналади. Шу сабабли, аҳоли ўртасида уларга юўлган талаб кундан-кунга ортиб бормоқда.
Ўзбекистон Экологик партияси раиси ўринбосари Саидрсаул Сангинов 14 февраль куни машинасозлик соҳасини ривожлантириш бўйича Президентимиз Шавкат Мирзиёев раислигида бўлиб ўтган йиғилишда Ўзбекистонда 3 ой муддатда электромобиль тармоғини ривожлантириш стратегиясини ишлаб чиқиш юзасидан топшириқ берганини, стратегияга электромобиллар учун бутловчи қисмлар ва материалларни маҳаллийлаштириш дастурини киритиш, шунингдек, уларга қўйиладиган техник талаблар ва замонавий стандартларни ишлаб чиқиш вазифасини қўйганини айтиб ўтди.
С.Сангинов «MEGAWATT MOTORS» МЧЖнинг маҳсулотлари юртимиз қонунчилиги ва талабларига тўла жавоб беришини таъкидлаб, келгусида ушбу соҳани янада ривожлантириш йўлида Экопартия корхона билан ҳамкорликда ишлашга тайёрлигини билдирди. Шунингдек, атроф-муҳитни тозалиги учун электромобилларни кўпайтириш, биргаликда тарғибот тадбирларни ўтказиш ҳамда аҳоли ўртасида экологик маданиятни кучайтириш бўйича истиқболдаги режалар белгилаб олинди.
Учрашув сўнгида Ўзбекистон Экологик партияси ва «MEGAWATT MOTORS» МЧЖ ўртасида ҳамкорлик меморандуми имзоланди ҳамда ушбу корхона вакиллари партия аъзолигига қабул қилиндилар.
Ўзбекистон Экологик партияси
Тошкент шаҳар партия ташкилоти