Ўқишга аслида нима учун кириш керак?

Нима учун бизда ўқишга киришлар сплошной бош оғриқ ва талаш таламаш? Буни сабаби, ёшларни билимга ўчлигида эмас. Бу шунчаки пресстиж. Ўқиган деган ном, диплом деган штамп, онаси совчига борганида болам ўқиган дейишига шароит...

Хмм, қизларни аксари "Ўқиганга тегаман" деганда ақлли йигитни тасаввур қилишадими? Балки, лекин шу шаблон сўзнинг ўзи жамият қанчалик шу ўқиш деган нарсанинг сирти, номи, муқовасига, ёрлиғига ёпишиб олгагини билдиради. Ўқиган бола эшакмия бўлиши мумкинми? Канешна. Нега унда ўзинг учун абсолют формат сифатида ўқиган йигит танлайсан? Чунки уни дипломи бор, бир ишга кириб оила боқиши мумкин. Энди туғри.

Атрофга назар солинг, ёшлар ўқишга киришни ўйлаганда олдига қанақа мақсадлар қўйяпти? Ўз хохиши билан отдуши, азбаройи сохага қизиққанидан кимё технология факультетларига топширяптими? Нечтаси? Ёки шунақа бизни жамият наздида "ўрни йуқ" факультетларга кириш осон, бали оз бўлгани учун топширяптими? Келинг хақиқатни юзига тик боқиб, иккинчиси кўпроқлигини тан оламиз. Нимага у шундай қиляпти? Ха албатта яна ўша пресстиж. Ўқиган деган ном. Оболочка.

Ўкишга кира олмаса олдига қўйган мақсадлари, масалан янги кашфиётлар қила олмаслик, удар журналистик иши ёза олмаслик, болаларга дарс бера олмаслик ва ёкида инсонлар соғлигини сақлашга хисса қўша олмаслик хисси қийнаяптими ёшларни? Ёки севган қизи уўқишга кириб кетиб, ўзи кира олмаганига алам хиссими? Тенгдош дўстлари кириб кетиб, ўзи яна мол боқишга қолганидаги хасад хиссими? Совчи қўйган қизини оиласидан ўқимаганга бермаймиз деган гапларни кутган армон хиссими?

Приоритетни тўғри қўя олмаймиз биз. Ўзбекчиликдаги, дабдаба тўй, дахшатли уй, "итвачча" мошин номерлар каби понторезликка албатта шу ўқиш масаласини қўшиб қўйинглар. Ёшлар асосан, янги билимларга чанқоқлик, чин дилидан билимлар қудуғини очиб, ундан қониб ичиш учун эмас, менда хам қудуққа доступ бор анаққиса деб, ўзини бошқалардан кам эмаслигини кўрсатиб қўйиш ва хис қилиш учун кетяпти имтихонларга. Ўқишга кира олмапти деб маломат қилишларидан қўрқади ёшлар... Энг ачинарлиси, шу ёрлиққа эришиш учун хитрожоп йўллар, коррупция, бункер, х вариант қилиб жон олиб жон беришяпти.

Бири умрида битта китобни қўлига ушлаб охиригача ўқимаган, лекин прокурор бўлмоқчи, хаёлида инсонлар такдирини хал қилишда адолатли бўлишга интилиш эмас. Ном, обрў, бой бўлиш. Прокурор бизнесмен бўлмаса, нима учун у ўртахол эмас, бой бўлиши керак? (тушундиза?)) Бой бўлиш бизнесменларга ярашади, давлат амалдорига шолпиллаб қолади боруу. Бошқаси бўлса, умрида инсонни келиб чиқиши, анатомияси, организм хақидаги қизиқарли фактлар ва мақолаларни интернетдан топиб ўқиб кўрмаган хатто, но буюк хирург бўлмоқчи. Это канешна печально смешно.

Миндеее опқараганда бору, биздаги хозирги пайтдаги жуда хам кўп муаммоларнинг илдизи, менталитетимиз днкасига сингиб кетганми дейман. Қачонки фикрлашимизни ўнгламас эканмиз, приоритетларни тўғри қўйишни ўрганмас эканмиз, муаммоларга конкрет ечим йуқ. 

Брат, ўқишга кирмоқчи бўлсанг, олдинга буюк мақсадлар, етиб бўлмас орзулар қўйиб кир. Ўқиган деган диплом, махалладаги ишини тайини йўқ Эшматда хам бор, Ўзбекистонда кўзга кўринган етук, дунёга танилган врачларда хам бор. Иккаласини фарқи эса, приоритет ва мақсадлар қандай қўйилганида.