Заключение

Заключение


pona! tenpo ni la sina sona e toki pona mute. toki pona li pona ala pona tawa sina? mi wile e ni: ona li pona tawa sina.

sina sona e toki pona mute. taso sina ken kin kama sona e ijo sin. sina wile sona pona e toki pona la o kama tawa tomo toki. tomo toki tu pi toki pona li lon:

  • tomo IRC li lon nimi irc://irc.freenode.net/tokipona. sina jo ala e ijo IRC la, o jo e ona lon ni. o kepeken e toki pona en toki Inli taso lon ni.
  • tomo Jabber li lon nimi http://tokipona@conference.jabber.ru. sina jo ala e ijo Jabber la, sina ken jo e ona lon ni. o kepeken e toki pona en toki Losi lon ni.

jan mute li lon tomo IRC.

sina wile ala kama tawa tomo toki la o pana e lipu tawa nimi bknight009@yahoo.com. mi wile mute toki tawa sina! sina ken la o kepeken e toki pona taso.

toki awen pona li lon li kepeken e toki pona. tenpo pini la toki awen ni li kepeken e toki Inli. taso jan li pana e toki pona tawa ona.

«kasi pona»

kasi suli en jan lili li jan pona. taso ali li ante. ni li toki pona.

«jan ike Kin li pakala e tenpo pona Kolisu!»

jan ike Kin li wile pakala e tenpo pona Kolisu. ona li ken ala ken pona e wile ike ni?

«jan Lowe»

jan Wansa li wile moli e kasi. taso jan Lowe li wile ala e ni.

«soweli Kipa li lili. ­­- tenpo suno pi jan moli»

tenpo suno pi jan moli li pona tawa soweli Kipa.

sina wile e toki awen ni la mi jo e ona. sina pana e lipu tawa nimi bknight009@yahoo.com la mi pana e toki awen tawa sina. o kepeken e toki pona taso!

sina sona e toki pona. pona! tenpo ni la sina ken pali. o pana e sona pi toki pona tawa jan ante. o pali e toki awen. o toki kepeken toki pona! toki pona li toki pona. mi wile e ni: jan mute li sona e ona. sina ken kama e ni.



Report Page