Илғор теримчилар тақдирланди
@XovosXabarlariЖорий йилнинг 8-октябр куни Ўзбекистон Республикаси Президенти хузуридаги Сирдарё вилояти Халқ қабулхонаси ҳамда Ховос тумани ҳокимлиги ҳамкорлигида, Пахтакор ва Гулбахор СИУ ҳудудларидаги "Сайхун" ва "Асл тола чўлда" фермер хўжалигининг пахта майдонларидаги меҳнаткашлар ҳолидан хабар олинди ва фаол ва илғор теримчилар мукофотланди.
Қолаверса, теримчилар билан пахта терими жараёнида карантин қоидаларига риоя қилган ҳолда сайёр қабул ўтказилди. Қабул давомида жами 80 га яқин фуқаролар билан мулоқотда бўлиниб, шулардан 21 нафаридан мурожаатлар келиб тушди. Сайёр қабул натижалари бўйича 5 нафар фуқаронинг масаласи ижобий ҳал этилиб 16 та масала юзасидан амалдаги қонунларга кўра ўрганиб чиқиш учун туман Халқ қабулхонаси томонидан назоратга олинди.
Юртимиз пахта хирмонига ўз хиссаларини қўшаётган илғор теримчилар меҳнати эътибордан четда қолмайди.
Ховос тумани ҳокимлиги ахборот хизмати