Ховос туманида куз-қиш мавсумига тайёргарлик кўриш ишлари уюшқоқлик билан амалга оширилмоқда
@XovosXabarlari
Ховос туман ҳокими У.Камоловнинг тегишли топшириқларига асосан тумандаги кўп қаватли уй-жойлар ва ижтимоий соҳа объектларини 2020-2021 йиллар куз-қиш мавсумига тайёрлаш ишларини барча йўналишлар бўйича белгиланган муддатларда ва сифатли амалга ошириш мақсадида туманда бир қатор ишлар амалга оширилмоқда. Ушбу ишларга Ховос туман ҳокимининг 1-ўринбосари, Ховос шаҳарча ҳокими Б.Бердиев бошчилигида туман ФВБ, туман Газ таъминоти бўлими, туман Электр тармоқлари бириктирилган бўлиб туманнинг барча ҳудудларида тегишли тартибда ишлар амалга оширилмоқда.
Аҳолининг турмуш даражасини оширишга, туманимиз аҳолисига муносиб турмуш тарзини яратиш, куз-қиш мавсумини беталофат ўтказиш, мавжуд муаммоларни ўз вақтида аниқлаб жойида бартараф қилишга йўналтирилган ушбу ишларга кенг жамоатчилик вакиллари ҳам иштирок этишмоқда.
Бугунги кун ҳолатига 24 та ижтимоий объектларда,20 дан ортиқ кўп қавтли уйларда белгиланган тартибда ишлар олиб борилди ва тез орада туманнинг барча ҳудудларида босқичма-босқич амалга оширилиши режалаштирилган.
Ховос тумани ҳокимлиги ахборот хизмати