Jinoyat ishlari bo'yicha Xovos tumani sudi tomonidan seminar o'tkazildi
@xovos_uzbUshbu seminarda DSIning hodimlari ishtirok etishdi. Unda quyidagi 3 ta asosiy masala yuzasidan muhokama bo'lib o'tdi.
—Xotin-qizlar o'rtasidagi huqubuzarlik va jinoyatchilikni oldini olish.
—Odam savdosi tushunchasini aholiga to'liq tushuntirish va oldini olish.
— Prezidentimizning "Korrupsiyaga qarshi kurashish" to'g'risidagi farmonni aholi va davlat xizmatchilari ongiga singdirish.
Xovos tumani sudining devonxona mudiri A. Subxanovning ma'ruzasida hozirgi kunda Prezidentimiz va Vazirlar Mahkamasi tomonidan qabul qilinayotgan qonun va farmonlar qanchalik muhim ekanligi aytib o'tildi. Shuningdek xotin-qizlar o'rtasidagi huqubuzarlik va jinoyatchilikni oldini olish maqsadida O'zbekiston Respublikasining jinoyat kodeksining ayollarga tegishli bo'limidagi bir qancha moddalar sanab o'tildi va ishtirokchilar tomonidan to'liq sharhlandi.
Shu masalaga binoan, homilador va 3 yoshdan kichik farzandi bor ayollar qasddan jinoyat sodir etmagan bo'lsa, ularga jazo qo'llanilmasligi, agarda jazo qo'llanilsa tug'riq paytida yoki bola parvarishi uchun ta'til berilishi aytib o'tildi.
Hozirgi kunda nafaqat Respublikamizda balki butun jahonda, hattoki rivojlangan davlatlarda ham odam savdosi keng tarqalmoqda. Huddi shu masalani oldini olish maqsadida odam savdosi tushunchasini aholiga chuqurroq tushuntirish eng oldi vazifa etib belgilandi. Agar ushbu jinoyat sodir etiladigan bo'lsa uning oqibatlari hamda Jinoyat kodeksiga ko'ra qanday jazo joriy etilganligi haqida eslatib o'tildi. Shu bilan birgalikda, tumanimizda muqaddam bo'lib o'tgan odam savdosiga oid jinoyatlar qayta ko'rib chiqildi.
Eng oxirgi masalaga ko’ra korrupsiyaga qarshi kurashish va uning tarixi hamda unga qarshi kurashish usullari haqida gapirib o’tildi. Korrupsiya bu hodimning vakolatlaridan unga ishonib topshirilgan huquqlardan foydalanib o’z manfaatlarini ko’zlab qonunni buzgan holda amalga oshirilgan jinoiy holatlar yig’indisi.
Mansabni suiiste’mol qilish ham korrupsiyaning bir ko’rinishi hisoblanadi. Shuningdek seminar davomida mashhur jahon siyosatchilarining korrupsiyaga oid iqtibos hamda maqolalaridan hulosalar keltirib o’tildi va albatta yurtimizda bu jinoyatga qo’yiladigan jazolar ham aytib o’tildi.
Xovos tumani hokimligi Axborot xizmati