ГИЁХВАНДЛИК АСР ВАБОСИ

Фарзанд, ота-онанинг суянган тоғи, оилаларнинг келажакга булган ишонч чирогидир.  хар бир хонадонда бу ёнган чироқ яхшилик зиёсини абадий таратиб турсин. Унинг таратаётган зиёсидан бахраманд бўлиш хар бир умид килганларга насиб килсин. Шундай экан, хар бир ота-она ширин орзу-умидлар билан бола тарбиялайди. Берган тарбияси натижасида фарзандлари ютуқларини кўриш юксак қувонч бахш этади. Аммо, фарзандингиз вояга етаверган сари у билан боғлиқ ниятлар қаторида турли хилдаги унинг рухиятидаги ва жисмоний холатида муаммолар хам учраб бориши сир эмас. Бу давр оғир синовлар даври бўлиши хам мумкин.

Сиз фарзандингизга зимдан қараб разм солаяпсизми?

Шу пайтда сизда “Фарзандим ўзгариб қолаяптими? Илгари бундай эмас эдику? Ғалати харакатлар қилаяпти” узини оилавий турли хилдаги тадбирлардан олиб кочмокдами ёки менга шунака туйлаптими ? деган шубхали салоллар туғилмасмикин?

Гиёхвандлик бир ғараз ниятли, разолат манбаси бўлган ходисаки, бу мудхиш холатга тушишдан худонинг ўзи асрасин!

Шундай нохуш ходисаларни бошдан кечирмаслик учун аввало фарзандингизнинг хулқ-атворидан доимо бохабар бўлиб туринг.

Гиёхванд модда истеъмол қилиш аксарият холларда 14-20 ёшларда бошланади. Инсон психолигиясининг узгариши ва унинг хар тарафлама усишининг асосий боскичи хам шу ёшлар орасида руй беради.

Юкорида келтириб утилган фикрлардан сунг хар бир инсонда гиёхвандлик балосига гирифтор бўлган болалар қандай билиш мумкин деган савол тугилиши мумкин? Бу жуда оддий улар куйдагича,

Фарзандингиз атрофдаги бўлаётган воқеаларга бефарқ бўлади, турмуш ташвишлари уни хеч хам қизиқтирмайди;

Кўпроқ ёлғон гапиради;

Фарзандингиз хар хил бахона ториб, кўчага чиқиб кетади. Бир жойга юборсангиз кеч қайтади. Ўқув юртларига бормай қўяди.

Фарзандингизни тўғри йўлга бошловчи насихатлар қилсангиз, ёқмайди. Танбех берсангиз сизга тажанглик қилади.

Баъзан ичи сурилиб, хожатхонага тез-тез қатнайди.

Кайфияти ўзгарувчан бўлиб қолади. Баъзан хушчақчақ, гохида тушкунликка тушади. Фарзандингиз кўпгина бохоналар билан тез-тез пул сўрайди. Гохида унда тўсатдан катта микдорда пул пайдо бўлиб қолади.

Уйингиздан қимматбахо буюмлар, пул ва кийим-кечаклар йўқола бошлайди;

Узига янги, сиз танимайдиган дўстлар орттиради, улар билан сухбатлашганингизда тушунарсиз ибораларни ишлатишади.

Фарзандингизнинг кўз қорачиқлари кенгайган ёки аксинча торайган бўлиши мумкин;

Фарзандингизнинг кўзлари қизариб кетган, гапирганда хаттоки, сўзларни бузиб талаффуз қилади;

Фарзандингиз маст холатда бўлиши мумкин, лекин унинг оғзидан ароқ хиди келмайди;

Фарзандингизда титроқ тутиш, безовталаниш, қалтираш ва бежо харакатлар кузатилади;

Унинг қўл-оёқларида, баъзан тананинг бошқа жойларида хам игна излари, кўкарган, кесилган, куйган жойлар бўлиши мумкин;

Болангизнинг чўнтагидан тамакига ўхшаган ўт барги, найга ўхшаш ўралган қоғоз топилиши мумкин;

Айрим пайтларда фарзандингизнинг хонасидан кичик қошиқчалар, кўплаб идишчалар, нотаниш таблетка ва кукун (порошок) дорилар топилиши мумкин.

Ёдингизда тутинг! Томир орқали гиёхванд модда қабул қиладиганлар кўпинча шприцлардан умумий фойдаланганлари учун уларга ОИВ (одамнинг иммунитет танқислиги вирусли касаллиги) ва вирусли гепатит касалликлари юқиш эхтимоли бирмунча юқори. Ушбу касалликнинг давоси хозирги вактда хам аникланган эмас!

Фарзандингиз гиёхванд модда қабул қилишга ружу қўйган бўлса:

Унга дўқ пўписа қилманг, жазоламанг.

Фарзандингизнинг қандай қилиб, бу йўлга кириб қолганлигини аниқланг ва ушбу офатдан қутулиш йўлларини изланг, унга рухан мадад беринг.

Фарзандингизни биргаликда мутахассисга бориб, маслахат олишга кўндиринг.

Бунда сизга Республикамизнинг барча вилоят ва шахарларида ташкил этилган ишонч пунктларидан гиёхвандлик ва ОИВ масалалари бўйича бепул хамда шахси сир сақланган холда маслахатлар оласиз.

Гиёхвандлик офатидан халқимизни, келажак авлодни халос этиш хамда уларни моддий ва маънавий баркамоллик сари йўналтиришдек, умумбашарий хайрли ишларимизда Аллохнинг ўзи хаммамизга мададкор бўлсин!