Uzb

Янги автомобилларни қайта сотишга қўйилган тақиқ бекор қилинди

Ўзбекистон президентининг қарори билан фойдаланиш муддати харид қилинган кундан бошлаб бир йилдан ошмаган енгил автотранспорт воситалари бўйича тегишли шартномаларни тасдиқлаганлик учун божни ҳар бир от кучи учун энг кам ойлик иш ҳақининг 5 баравари миқдорида ундиришга доир талаб бекор қилингани ҳақида хабар берилганди.

Бундан олдин амал қилган бож тақиқ кўринишида бўлган ҳамда ҳар бир от кучи учун энг кам ойлик иш ҳақининг 5 бараварини ташкил этган, бу эса автосалондаги янги автомобиль қиймати билан тенг эди.

Оширилган бож ставкаси 2008 йилда «олибсотар»лар билан курашиш ҳамда автосалонлардаги Chevroletавтомобиллари тақчиллигини йўқотиш мақсадида жорий этилганди.

Сунъий равишда чақирилган тақчиллик нархларнинг ошишига олиб келди – автомобиллар иккиламчи бозорда расмий дилерлардан анча қимматроққа баҳоланди. Айнан ўшанда «шапка»тушунчаси пайдо бўлди, у автосалонда шартнома олиш учун пора беришни назарда тутган.

Бироқ, оширилган божнинг жорий этилиши автомобилларни реализация қилишдаги коррупцияни йўқота олмади ҳамда 2015 йилга қадар GM Uzbekistan автомобиллари иккиламчи бозорда янгиларидан қимматроққа баҳоланиб келди.

Нотариал ҳаракатлар учун бож ставкалари

Оширилган бож бекор қилиниши билан битимларни нотариал расмийлаштириш учун йиғимлар қуйидаги кўринишга эга бўлди:

Ишончнома қоғозини расмийлаштириш учун бож ставкалари

Автомобиллардан фойдаланиш ва уларни бошқариш ҳуқуқи учун ишончномаларни тасдиқлашга йиғимлар божлари:

Эслатиб ўтамиз, жорий йилнинг бошида GM Uzbekistan янги Chevrolet автомобилларини реализация қилиш схемасида коррупцион жиҳатни йўқотиш мақсадида янги сотувлар тизими ҳақида эълон қилди. Chevrolet.uz сотувлар учун ягона портал ишга туширилгач, GM Uzbekistan шартномаларни рўйхатдан ўтказмоқда, бу эса «тезлиги» учун «шапкалар» ва навбат билан турли ҳийлаларнинг олдини олиши керак.