“Хотин-қизларни тадбиркорликка ўқитиш” ўқув курслари ташкил этилди.

Жорий йилнинг 27 октябр куни Сирдарё вилояти хотин-қизлар тадбиркорлик маркази томонидан Янгиер шаҳридаги Тошкент кимё-технология институти Янгиер филиалида  “Хотин-қизларни тадбиркорликка ўқитиш” ўқув курслари ташкил этилди.

Ўқув курсини ташкил этиш бўйича ўтказилган семинарда Тадбиркорликни ривожлантириш агентлигининг Сирдарё вилояти бўйича ваколатли офиси ходимлари,  Янгиер шаҳар маҳалла ва оилани қўллаб-қувватлаш бўлими ходимлари, вилоят хотин-қизлар тадбиркорлик маркази раҳбари Г.Улмасова, марказ тренери Э.Мамажоновалар иштирокида Янгиер шаҳридаги Тошкент кимё-технология институти Янгиер филиалида  тадбиркорлик қилиш истагини билдирган ўқув курслари тингловчиларига тадбиркорликни Давлат томонидан қўллаб-қувватлаш бўйича яратилаётган шарт-шароитлар тўғрисида тушунчалар берилди. Ушбу тадбир хотин-қизларни қизиктирган масалалар юзасидан қизгин савол жавобларга бой тарзда ўтказилди.

Ўқув курси якунида тингловчилар марказ томонидан махсус сертификатлар билан тақдирланадилар.

Ўзбекистон Республикаси Иқтисодий тараққиёт вазирлиги ҳузуридаги Тадбиркорликни ривожлантириш агентлигининг СИРДAРЁ ВИЛОЯТИ БЎЙИЧA ВAКОЛAТЛИ ОФИСИ.