Uz

Автобус ва поезд тўқнашиб кетиши оқибатида ўқувчилар қурбон бўлди

Ҳиндистоннинг Уттар-Прадеш музофотида мактаб автобусининг поезд билан тўқнашиб кетиши оқибатида 13 нафар ўқувчи ҳаётдан кўз юмди, 8 нафари жароҳатланди. 

Уларнинг етти нафари оғир аҳволди, дейилади “NDTV” телеканали хабарида.

Автобусдаги болаларнинг ёши ҳали ўнга ҳам етмаган эди. Фожиа Горахпур шаҳридан 50 километр узоқликда рўй берган. Автобусда жами 25 йўловчи бўлган. Айни пайтда бахтсиз ҳодиса сабаблари ўрганилаяпти.

Маҳаллий ҳокимият раҳбарияти қурбонларнинг яқинларига таъзия билдириб, уларга 200 минг рупий(3 минг АҚШ доллари)дан товон пули берилишини маълум қилди.