Uz

Қизилқумцемент”да ёнғин содир бўлди: жабрланганлар бор

Навоий шаҳрида 2 апрель куни соат 09.55да Навоий кўчаси 5-уйда жойлашган “Қизилқумцемент” АЖ корхонасида ёнғин содир бўлган. ИИВ матбуот хизматидан маълум қилинишича, ҳозирда таъмирлаш ишлари олиб борилаётганлиги сабабли корхонанинг иш фаолияти вақтинча тўхтатилган эди.

Кўрилган чоралар натижасида ёнғин ўчирилган. Ёнғин оқибатида корхонадаги совутиш иншоотининг ички қисми ёниб зарар кўрган ҳамда шу корхона ишчилари, 1967 йилда туғилган Ш.Примов ва 1960 йилда туғилган С.Икромовлар куйиш тан жароҳатлари билан касалхонага ётқизилган.

Суриштирув ишлари олиб борилмоқда.