uz

Фото: Тошкент кўчаларида «Яндекс.Такси» автомобиллари пайдо бўлди

Тошкентда «Яндекс.Такси» автомобиллари пайдо бўлди, дея хабар бермоқда Spot ўз манбаларига таяниб.

Фото: Spot

Бир нечта таксопаркларда Spot мухбирларига ҳақиқатан ҳам Россия компанияси билан сўнгги бир-икки ойдан буён музокаралар олиб борилаётганлигини маълум қилишган.

Нашр маълумотларига кўра, Тошкентда ушбу таксида юриш бир-икки километр учун 2 минг сўмдан бошланади.

Фото: Spot

Айни пайтда дастурда Тошкент бўйлаб сафарлар мавжуд эмас, taxi.yandex.uz сайти ҳам ишламаяпти. Сервис Тошкентда қачон иш бошлаши — номаълум.

«Яндекс.Такси» компаниясининг ўзи ҳам бу борада изоҳ берганича йўқ.

Нашр эслатишича, аввалроқ «Яндекс.Такси» Тошкентда рус ва ўзбек тилларини биладиган ходимлар қидираётгани ҳақида эълон берган эди. Ўшанда компания халқаро кўмак маркази учун мутахассисларни ишга олаётган эди.

Manba: daryo.uz