Uz

T.me/UzbekistanuzMarch 18, 2018

Uz

T.me/Uzbekistanuz

Foto: Samarqandning turizm-politsiyachilari segveydan foydalanishni boshladi

Samarqand viloyat Ichki ishlar boshqarmasining Xavfsiz turizmni ta’minlash boshqarmasi xodimlari O‘zbekistonda birinchi bo‘lib segvey (segway)dan foydalanishni boshladi. Bu haqda viloyat IIB matbuot xizmati “Daryo”ga ma’lum qildi.

Foto: Samarqand viloyat IIB matbuot xizmati

Tezligini soatiga 20 kilometrgacha oshira oladigan bu segveylar avtomobillarda harakatlanib bo‘lmaydigan, gavjum joylarda ham erkin harakatlanish, xavf tug‘ilganda sayyohlarning oldiga tezda yetib borish imkonini beradi.

Bundan tashqari, Samarqandning turistlar ko‘p tashrif buyuradigan obyektlari atrofida xavfsiz turizm xodimlari uchun maxsus ko‘char xonalar tashkil etildi. Bu xonalarda sayyohlarning xavfsiz harakatlanishini kuzatib borish mumkin.

Xavfsiz turizm boshqarmasi uchun ajratilgan xizmat avtobusi ham turistik nuqtai nazardan qayta jihozlanib, ichki qismida sayyohlarning murojaatlarini qabul qilish, ularga turli maslahatlar bilan ko‘maklashish uchun shart-sharoit yaratildi.