Ховос туманида интенсив боғ ва токзорлар сув тежовчи технологиялар асосида барпо этилмоқда.

Ўзбекистон Республикаси Президентининг 2019 йил 11 декабрдаги Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида 4549-сонли қарори ҳамда 2020 йил 11 декабрдаги Қишлоқ хўжалигида сувни тежайдиган технологияларни жорий этишни янада жадал ташкил этиш чора-тадбирлари тўғрисидаги ПҚ 4919-сонли қарори ижросини таъминлаш мақсадида Сирдарё вилояти Ховос тумани Чамбил СИУда "Боғистон САБЗ" МЧЖ ташаббуси билан 341 гектар интенсив боғ ва 100 гектар узумзор барпо қилинмоқда.

Боғни барпо қилиш учун мевали кўчатлар Эрон давлатидан олиб келинган, кўчатларнинг унувчанлиги, бизнинг иқлим шароитларимизга мослиги хар томонлама хисобга олинган.

Ушбу майдонларда тўлиқ сув тежовчи технологиялар жорий қилинмоқда, сув тежовчи технологиялар Туркия давлатидан олиб келиб ўрнатилган.

Вилоятимизда маҳаллий боғдан гектарига 16-18 тонна ҳосилдорлик олинадиган бўлса Интенсив усулида 34-35 тоннагача ҳосилдорликга эришилади, маҳаллий усулга нисбатан 45-50 фоизгача ҳосилдорлик юқори бўлади.

Суғориш тизимида маҳаллий боғларни суғориш учун 3 500 м3 сув сарф қилинса инновацион томчилатиб суғориш усулида 1 800 м3 сув сарф қилинади, маҳаллий усулга нисбатан 40-50 фоизгача сув тежамкорлигига эришилади.

Сирдарё вилояти Қишлоқ хўжалиги бошқармаси матбуот хизмати.