Uz

Pentagonning sobiq rahbari Rossiyaga qarshi urush rejasini ishlab chiqishni taklif etdi

NATO Rossiya bilan mojaro ehtimolini nazarda tutib, harbiy harakatlar rejasini ishlab chiqishi lozim. Bu haqda Pentagonning sobiq rahbari Eshton Karter Davos iqtisodiy forumi doirasidagi kiberxavfsizlik masalalari bo‘yicha sessiyadagi chiqishida ma’lum qildi, deya xabar beradi “Gazeta.ru”.

Eshton Karter.

Foto: AP

“Biz va NATOdagi hamkasblar Rossiyaga qarshi harbiy harakatlar rejasini ishlab chiqishimiz zarur deb o‘ylayman. Shuningdek, Boltiqbo‘yi davlatlariga ‘yashil odamlar’ bostirib kirishi ehtimoliga qarshi reja ham kerak. Rossiya u yerdagi milliy ozchilikdan foydalanishi mumkin”, — dedi Karter.

Sobiq mudofaa vaziriga ko‘ra, AQSh Berlin devori qulaganidan beri Rossiyani harbiy raqib sifatida ko‘rmagan, biroq bugunga kelib vaziyat o‘zgardi.