Update

ኮኬይንን በሆዱ ይዞ ወደ ታይላንድ ለማስገባት የሞከረው ኬንያዊ በቁጥጥር ሥር ዋለ

ኮኬይን የተባለውን አደንዛዥ እፅ በክኒን መልክ ሆዱ ውስጥ ይዞ ወደ ታይላንድ ሊገባ የሞከረው ኬንያዊ ባንኮክ ዓለም አቀፍ አውሮፕላን ማረፊያ ላይ በቁጥጥር ሥር ውሏል።

ግሌን ቺባሴሎው ኦኮው የተባለው ኬንያዊው በቁጥጥር ሥር የዋለው፣ በራጅ በተደረገበት ምርመራ 68 የኮኬይን ክኒኖችን ሆዱ ውስጥ ይዞ በመገኘቱ ነው።

የኮኬይን ክኒኖቹ 1 ነጥብ 2 ኪሎ ግራም እንደሚመዝኑ የታይላንድ የመድኃኒት ባለሥልጣን ገልጿል።

ኬንያዊው ሰኞ ዕለት ወደ ባንኮክ ያመራው ከኢትዮጵያ ተነስቶ መሆኑን ኤ.ኤፍ.ፒ ዘግቧል።

ከኬንያዊው ጋር በቁጥጥር ሥር የዋለ አንድ ናይጄሪያዊ የወንጀሉ ዋና አቀነባባሪ እንደሆነና ኬንያዊውንም በሥራው ላይ ያሰማራው እሱ መሆኑን የታይላንድ ብሔራዊ ጋዜጣ ዘግቧል።

ምንጭ፦ ቢቢሲ

@zenabisrat @zenabisrat