Трамп Хитой компаниялари учун янги чекловлар жорий этмоқчи
Kun.uz
АҚШ президенти Дональд Трамп Хитой компанияларига Қўшма Штатлардаги технологик фирмаларга сармоя йўналтиришни тақиқлаб қўйишни режалаштирмоқда. Бу ҳақда The Wall Street Journal манбаларга асосан хабар берди.
Нашр маълумотларига кўра, Трамп АҚШдан Хитойга технологияларнинг қўшимча экспортини ҳам блоклаб қўйишни мўлжаллаган.
Таъкидланишича, АҚШ президенти Хитойга нисбатан янги чоралар ҳақида яқин вақт ичида эълон қилади.
Аввалроқ, Трамп Хитой билан савдо баҳсларини тартибга сола олиши ҳақида маълум қилганди.
Унинг сўзларига кўра, у «Хитойга АҚШ ҳисобидан фойда олишга имкон бермайди».