Трамп ноқонуний муҳожирларни зудлик билан келган жойларига қайтариш кераклигини айтди 

Kun.uz

Ноқонуний муҳожирлар зудлик билан келган жойларига қайтарилишлари керак. Бундай фикрни АҚШ президенти Дональд Трамп твиттерда билдирди.

“Бу одамлар давлатимизга киришига йўл қўймаслигимиз керак. Давлатимизга кимдир ноқонуний кирмоқчи бўлса, биз зудлик билан суд қарорлари ва муҳожирларга нисбатан қўзғатилган ишларсиз уларни келган жойларига қайтаришимиз лозим”, деб ёзган Трамп твиттерда.

Бироқ Трамп бошқа хабарларида “амалдаги иммиграция сиёсати АҚШга қонуний равишда ўтмоқчи бўўлаётганлар ва тегишли қарорни йиллар давомида олишни кутаётганларга нисбатан адолатсиз” эканини айтган. Трамп шунингдек сиёсий рақиблари – демократларни “иммиграция қонунларини яхшилашга қаршилик қилмасликка” чақирган. 

Трамп аввалроқ АҚШда турли ҳисоб-китобларга кўра 12 млн кишини ташкил қилувчи ноқонуний муҳожирларни “жиноятчилар” деб атаб, уларни аниқлаб, депортация қилиш лозимлигини айтган.