Train

gujarat-samachar

Toggle navigation

વંદે માતરમ એક્સપ્રેસ જેવી ટ્રેન મધ્ય રેલવેના માર્ગ પર દોડાવાશે

-લોકલ મુંબઈમાં દાખલ : હવે ટ્રાયલ લેવામાં આવશે

(પ્રતિનિધિ દ્વારા) મુંબઈ, તા.4 એપ્રિલ 2018,ગુરૂવાર

ભવિષ્યમાં મધ્ય રેલવેના માર્ગ પર ટ્રેન-૧૮ એટલે કે વંદે માતરમ એક્સપ્રેસ જેવી ટ્રેન દોડવાની છે. આ પદ્ધતિની એક લોકલ મુંબઈમાં દાખલ થઈ હોવાથી તેની યાંત્રિક ટ્રાયલ કલ્યાણ-કર્જત-કસારા રેલવે માર્ગ પર થવાની છે.

વંદે માતરમ જેવી ટ્રેન મધ્ય રેલવેના માર્ગ પર દોડાવવા માટે આરડીએસઓ (રિસર્ચ ડિઝાઇન સ્ટાન્ડર્ડ ઓર્ગેનાઇઝેશન)એ આ લોકલની ટ્રાયલ કરી છે. આ લોકલમાં તમામ મશીન ટ્રેનની નીચેની બાજુમાં બેસાડવામાં આવતાં પ્રવાસીઓને સમાવાની ક્ષમતા વધી જશે. તેમ જ ચોમાસામાં ટ્રેન પર પાણી ભરાતાં પાણીમાંથી આ મશીનનું રક્ષણ કરવા ામટે વિશિષ્ટ રચના કરવામાં આવી છે, જેના લીધે ચોમાસામાં લોકલ સેવા ખોરવાશે નહીં.

આ વિશિષ્ટ લોકલની ફેરી ઉપનગરીય માર્ગ પર શરૂ કરવા માટે રેલવે સુરક્ષા કમિશનરના પ્રમાણપત્રની જરૂર છે. પશ્ચિમ રેલવેને મળેલી બીજી એસી લોકલ આ જ પદ્ધતિથી તૈયાર કરી છે.

હાલની લોકલમાં દર ત્રણ યુનિટ બાદ એક મોટર કોચ રહેતો હોય છે, જેના લીધે જગ્યા ઓચી ઝઈ જાય છે. પરંતુ આ નવી લોકલમાં મશીન નીચેની બાજુએ ફીટ કરવામાં આવ્યાં હોવાથી પ્રવાસીઓની ક્ષમતાં ૭૦૦થી ૮૦૦ વધશે. આ ટ્રેનની ગતિ પણ વધુ છે. ૪૦૦ મિ.મી. પાણી પાટા પર ભર્યું હશે તો પણ લોકલ દોડાવી શકાશે.