外媒評十大性感亞洲女DJ 香港組合上榜

當你聽啲音樂串流APP嘅幾廿大流行榜都聽到好多EDM(Electronic Dance Music)，你就知道EDM唔再係焗限於夜場「洞之洞之」嘅小眾玩意。事實上就連香港好多Party、產品發佈會都會搵個DJ黎打碟助慶，當中仲有唔少係靚女黎！其中有兩個仲被「EDMDROID」選為「十大性感亞洲女DJ」添！佢哋就係「Troyi」、「Lokyii」！

「雙兒」之中，大家或者會比較認識「Lokyii」，一來係因為我哋上年有訪問過佢；二黎係因為佢男朋友乃係曾經為台北電競隊伍TPA贏下《英雄聯盟》世界冠軍、目前為另一支電競隊伍「Raise Gaming」擔任宣傳大使嘅「Toyz」。但其實撇除以上嘅花邊新聞，模特兒出身嘅Lokyii近年都專心於DJ表演。

而「雙兒」嘅另一位Troyi就更加係自細就對音樂有熱誠。官方網站介紹佢係2010年於澳洲讀音樂時接觸電音，用咗一年自學就成為昆士蘭最搶手嘅DJ，回流香港之後加入Active Production做執行總監。幕前就同Lokyii一齊去唔同地方、國家表演，仲有拍自己嘅旅遊節目添！