Telegram ഒരു ഭാരതീയ ബന്ധം
ടെലിഗ്രാം ആദ്യമായി പരിചയപ്പെടുന്ന പലരുടെയും ചോദ്യമാണ് ഇത് ഇന്ത്യൻ ആണോയെന്ന്.
അല്ല എന്നായിരിക്കും ഇതുവരെ കിട്ടിയ ഉത്തരം.....
അത് മാറുകയാണ് സൂര്‍ത്തുക്കളെ!
ഒരുപാട് കാലത്തെ കഠിന ഗവേഷണത്തിനൊടുവില്‍ ആ ചരിത്ര സത്യം ഞാൻ കണ്ടെത്തി..
ടെലിഗ്രാം തീര്‍ത്തും ഭാരതീയമാണ്!!
പൗരാണിക ഭാരതത്തില്‍ ഉത്തര ദേശത്തെ ( ഇപ്പോഴത്തെ യുപി അഥവാ ഉത്തര്‍ പ്രദേശ്) ഒരു ഗ്രാമം ആയിരുന്നു 'തിലഗ്രാമം'
തിലം അഥവാ എള്ള് ആയിരം അവിടത്തെ പ്രധാന കൃഷിയും വരുമാന മാര്‍ഗ്ഗവും, അങ്ങനെ ആ ഗ്രാമത്തിനു കിട്ടിയ പേരാണ് തിലഗ്രാമം.
കുരു വംശജരായിരുന്നു അവിടത്തെ ഗ്രാമവാസികൾ.( മഹാഭാരതത്തിലെ കൗരവർ തന്നെ! ദുര്യോധനന്റെ പിന്‍മുറക്കാര്‍!)
അതുവരെ എള്ളുണ്ട നിര്‍മ്മിക്കാന്‍ മാത്രം ഉപയോഗിച്ചിരുന്ന എള്ള് എണ്ണക്കുരുവായി പ്രഖ്യാപിച്ചതും എള്ളില്‍ നിന്ന് നല്ലെണ്ണ ആദ്യമായി വേര്‍തിരിച്ചതും ഈ കുരുവംശജരാണ്.
എള്ള് കൃഷിക്കാരെ ഒന്നിപ്പിക്കുന്നതിനും ആശയവിനിമയം ചെയ്യുന്നതിനും വേണ്ടി അവിടുത്തുകാര്‍ ഒരു ആശയവിനിമയ സംവിധാനം കണ്ടുപിടിച്ചു.
തീര്‍ത്തും ഭാരതീയ സാങ്കേതിക വിദ്യയായ മേഘസന്ദേശവിദ്യ ( Cloud messaging) ആണ് അതിനു അടിസ്ഥാനമാക്കിയത്.
മേഘസന്ദേശം ഭാരതീയമല്ലെന്ന് ആരും വാദിക്കില്ലല്ലോ?.
കാളിദാസ കൃതി തന്നെ ഒന്നാന്തരം തെളിവ്.!
കാലക്രമേണ മറ്റു വിനിമയ ഉപാധികൾ വരികയും ജനാധിപത്യത്തിന്‍റെ വരവോടെ ലോകത്തിന്‍റെ പല ഭാഗങ്ങളിലേക്കും കുരുവംശജര്‍ ഛിന്നഭിന്നമായി ചിതറിത്തെറിക്കുകയും ചെയ്തതോടെ തിലഗ്രാമത്തിന്‍റെ സന്ദേശസംവിധാനം വിസ്മൃതിയിലായി.
അങ്ങനെ ചിതറിപ്പോയി റഷ്യാ രാജ്യത്ത് എത്തിയ ഒരു കുടുംബത്തില്‍ പിറന്ന ആളാണ് പവേല്‍ ദുരോവ്( പിതാമഹനായ ദുര്യോധനന്റെ പേര് റഷ്യൻ രീതിയിൽ പരിഷ്കരച്ചതാണീ ദുരോവ്)
തിലഗ്രാമത്തിന്‍റെ മേഘസന്ദേശ സംവിധാനം പുനരുദ്ധരിക്കുകയും ടെലിഗ്രാം മെസഞ്ചർ എന്ന പരിഷ്കരിച്ച പേരിൽ പുറത്തിറക്കുയുമാണ് ചെയ്തത്.
വേറെയാരും അറിഞ്ഞില്ലെങ്കിലും ടെലിഗ്രാം ഉപയോഗിക്കുന്നവരെങ്കിലും ഈ ചരിത്രസത്യം അറിഞ്ഞിരക്കണം എന്നതുകൊണ്ടു മാത്രമാണ് ഇതിവിടെ പോസ്റ്റുന്നത്.
വായനയ്ക്ക് നന്ദി.