Сирдарё вилояти ИИБ Ахборот хизмати томонидан ҳуқуқ тартибот органлари фаолияти очиқлиги ва шаффофлигини таъминлаш, мақсадида матбуот анжумани бўлиб ўтди.
@Sirdaryo
Матбуот анжуманида вилоят Ички ишлар бошқармаси, Йўл ҳаракати хавфсизлиги бошқармаси, вилоят божхона бошқармаси ва Фавқулотда вазиятлар бошқармаси Ёнғин хавфсизлиги бошқармалари масъул раҳбарлари ва инспектор ходимлари, шунингдек, ОАВ вакиллари ҳамда бир қатор блогерлар иштирок этишди.
Тадбирда вилоят ИИБ Ҳуқуқбузарликлар профилактикаси бошқармаси бошлиғининг ҳудудларда жиноятчилик ва ҳуқуқбузарликларни барвақт олдини олиш мақсадида профилактика инспекторлари томонидан амалга оширилаётган манзилли профилактик тадбирлар ҳусусида ахбороти тингланди.
Матбуот анжуманида, миграция ва фуқароликни расмийлаштириш бошқармаси ҳамда вилоят ИИБ Ҳуқуқбузарликлар профилактикаси бошқармасининг хотин-қизлар масалалари бўйича бўлими томонидан амалга оширилган ишлар тўғрисида ҳам ахбортлар берилди.
Анжуман давомида ҳаракат хавфсизлигини таъминлаш, айниқса байрам кунларида йўл ҳаракати қоидаларига қатъий амал қилиш, масалалари ҳам кенг муҳокама қилинди.
Иштирокчиларга 2020 йилнинг 1 январидан Йўл ҳаракати хавфсизлиги соҳасига татбиқ этилаётган инновацион янгиликлар ҳақида ҳам маълумот бериб ўтилди.
Матбуот анжумани давомида ОАВлари вакиллари ва блогерлар томонидан берилган саволларга барча тизим мутасаддилари ўз йўналишлари бўйича жавоблар беришдилар.