Гулистон академик лицейида «Бу азиз ватан барчамизники» мавзусида давра суҳбати олиб борилди.

2018 йил 24 декабр куни Гулистон давлат университети қошидаги Гулистон академик лицейида 160 нафар ўқувчилар билан Сирдарё вилояти ҳокимлиги, афғон уруши қатнашчилари ва Гулистон шаҳар мудофаа ишлари бўлими ҳамкорлигида «Бу азиз ватан барчамизники» мавзусида давра суҳбати олиб борилди.

Тадбирда Гулистон шаҳар мудофаа ишлари бўлими бошлиғи С.Юсупов сўзга чиқиб, ўқувчи ёшларни Ватан ҳимоячилари куни ва Қуролли Кучларимиз ташкил этилганлигининг 27 йиллиги билан барчани табриклаб, ўзининг самимий тилакларини билдирди.

Очиқ давра суҳбати тарзида ўтган мазкур йиғилишда ўқувчиларни қизиқтирган саволларига йиғилиш иштирокчилари томонидан жавоб берилиб, ёшларга ўзларининг маслаҳатларини бериб ўтишди.

Шуҳрат Юнусов,
Сирдарё вилояти мудофаа ишлари бошқармаси Чақирилувчиларни ҳарбий хизматга тайёрлаш бўлими